China chuan Israel leh Hezbollah inbeihna avanga pawisawi lo hliam tam takte enkawlna turin rikrum thila hman tur hmanruah thahnem tak Lebanon hnena a thawn thu a sawi.
China foreign aid agency thupuangtu Li Ming chuan, indona hi tawp se kan duh a, in leh ram kang chhe rum rum leh tluchhe rum rum rite hi reh tawh se kan ti hle. Lebanon hian damdawiin tam tak a nei a, pawisawi lo tam takin hliam leh nunna an chan ve miau avangin he thil hi kan ti a ni, a ti.
A sawi danin, Lebanon leh China chu inthiantha an ni a, ngun taka ngaihtuah a nih hnuin Lebanon puih nan hliamte enkawlna hmanrua hi kan thawn ta a ni, a ti a. Tangkai taka an hman ngei pawh kan beisei, a ti bawk.
Israel leh Hezbollah ho inbeihna hi a la reh mai thei lo a, ralthuam tha tak tak hmanga inbei an nih avangin pawisawi lo nunna tam tak pawh an la hnem tawh hle. Hetih lai hian Iran in Israel lam hi a lo bei bawk nen, hei erawh Israel hian engtinnge a chhan let dawn a la hriat loh thung.
China in hliam enkawlna hmanrua thahnem tak Lebanon thawn
