Daily Newspaper

China in Ladakh ah contruction work a la kalpui reng : Congress

9

Congress te chuan inbiakna neih mek laiin China chuan Ladakh a ramri-ah constrution work a kalpui reng an ti a. Sorkar chu Chinese huangtauna engtianga dan tum nge a nih leh Indian territory humhim tura chet a lak dan sawi turin an phut thu an sawi.

Congress senior spokesperson Ajay Maken chuan sorkar chu ‘Pangong Tso leh Depsang area China in a luah’ chungchang sawifiah tura ngenin PLA te chuan tun hmaa an luahchin ram an al let lo tiin a sawi bawk a.

Hei bakah hian sorkar chhan turin zawhna tam tak siamin chung zingah chuan engtianga Chinese te chu nawrlet tum nge tih leh May 2020 status quo kalpui a tum dan te a zawt zui a ni.

Hei bakah hian China chuan Pangong Tso Lake area Finger 4 atanga Finger 8 inkar 8 km India ram chhung chu China in a la luah reng tiin a sawi bawk a. Eng tiangin nge Modi sorkar chuan Chinese Army te chu LAC hnungah leh Finger 8 piaha an ramah nawr let a tum dan a zawt bawk.

“Chinese PLA tena Depsang area leh Daulat Beg Oldi area a awm hmun an khuar dan kan en vek a. India sorkar atang hian chhanletna a awm lo em ni? Inbiakna hmanga chinfel theih a nih loh chuan kan sorkar hian eng nge a tih?” tiin Maken chuan virtual press conference a neihnaah a saiw bawk.

“China hian Daulat Beg Oldi leh Depsang Secotr ah construction hna a la kalpui reng tih hi a dik em? Eng nge kan sorkar in policy leh chet lak dan tur a neih a, kan ram venga China huangtauna chhang leta an construction kalpui tih tawp a tum dan?” tiin zawhn a siam bawk.

Ram venhimna leh humhim turin inphahhniam theih a ni lo, tiin Maken chuan a sawi bawk a. Ramri venhim chu tihmakmawh leh tlawm thiang lo a ni tiin a sawi bawk.

Maken chuan thlasik a hnai tial tial a, Chinese PLA te chuan inremna siam angin an ramri a let tumna an nei lo tiin a sawi bawk.

Inbiakna nei thuai dawn
Hetih lai hian Minister of External Affairs chuan India-China border chung changa Working Mechanism for Consultation and Coordination (WMCC) chu neih thuai a nih tur thu a sawi.

“Senior commander meeting thawh li-na chu July 14 khan neih a ni a, inhnuhlet dan tur sawihona neih a ni. India-China border a Working Mechanism for Consultation and Coordination (WMCC) chu neih vat tum a ni” tiin MEA thupuangtu Anurag Srivastava chuan a sawi a. EMCC inbiakna hi ram pahniha joibt seceretary level official ten an nei thin.
Tun thla tir khan ram pahnih te chuan Working Mechanism for Consultation and Coordination (WMCC) meeting 16-na an lo nei tawh bawk a.

India aiawhin Ministry of External Affairs (MEA) Joint Secretary (East Asia) telin Chinese hote chu Director-General of the Boundary and Oceanic Department, Chinese Ministry of Foreign Affairs in a ho thung.

WMCC hi kum 2012 khan India-China border a inremna a awm theih nana institutional mechanism leh consultation leh coordination awm theih nana din a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy