Daily Newspaper

China leh Pakistan-in inremna thuthlung ziak

11

China leh Pakistan te chuan an inthian thatna tinghet zual zelin defence lama thawhhona thuthlung an ziahbelh leh tawh a. China Defence Minister leh People’s Liberation Army (PLA) General Wei Fenghe chuan Islamabad-a Pakistan hotute hmuin Rawalpindi-a Pakistan amry headquarter a tlawh bawk.

Gen. Wei chuan Thawhlehni khan Pakistan President Arif Alvi leh Prime Minister Imran Khan te a hmu bawk a. Ram pahnihte chuan ‘sipai lama thawhhona chu sang zawka hlankai a, harsatna hrang hrang awm theiah thawh dun zel leh ram pahnih te sovereignty leh security bakah region ngel nghet a awm theih nan nasa zawka chetlak zel a tul’ tiin a sawi.

Gen. Wei leh Pakistan Chief of the Army Staff, General Qamar Javed Bajwa tena inhmuhna an neih hnuah MoU ziah zui nghal niin ram pahnihte chuan international leh regional dinhmun te pawh uluk takin an sawi ho bawk a. Hei bakah hian ram pahnihte chuan ralthuam, technology lama thawhdun zel an tum bawk niin China official media report chuan a taralng.

MoU kimchang tarlan a la ni lo chungin nikuma China Vice Chairman of the Central Military Commission (CMC) General Xu Qiliang an Rawalpindi tlawha defence cooperation awm theih nan leh Pakisan Army capacity building puihna kal zel nia ngaih a ni.

Gen. Wei chuan project kal lai mek China Pakistan Economic Corridor (CPEC) chungchang pawh a sawi a. Gen, Wei an Pakistan a tlawh hma hian Chinese envoy Nong Rong chuan CPEC project te comprehensive review CPEC Authority hotu Gen. Asim Saleem Bajwa (retd) nen an nei bawk.

Chinese Defence Minister chuan Pakistan Chairman of the Joint Chiefs of Staff Committee General Nadeem Raza pawh titipui bawkin ram pahnihte chuan ‘Iron Brotherhood’ leh ‘All-Weather’ Friendship’ kalpui zel an tiam a ni.

Pakistan President Arif Alvi chuan Pakistan chuan ‘South China Sea, Taiwan, Xinjiang, Tibet a China dinna chu a thlawp tlat’ tiin a sawi bawk a. “CPEC leh defence leh security field te hmangin ram pahnih te inzawmna a ngheh zual zel ka beisei,” tiin a sawi bawk.

Prime Minister Imran Khan pawhin thawh dunna tha chuan Paksitan-China inunauna chu sang zawkah a hlankai tur thu a sawi bawk.

Chinese sipai hotu Gen. Wei hian Nepal a tlawh bawk a, President Xi Jinping-a’n nikum October thlaa a tlawh tih loha China hruaitu lu Nepal tlawhtu awmchhun a la ni. Gen. Wei chuan Nepal chu an thlawp tlat thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy