Rev. L Rema, 9862860181
China ram map ka hman lai hi National Geographic Society Washington DC a print a ni a. India ram Arunachal Pradesh State pumpui hi “Boundary claimed by China” tiin rawng senin an claimed chin hi chiang takin an dot dot ——— hmangin an chhinchhiah a. Brahmaputra lui dung 500 miles chuang sei rin luh a ni a. Chuvangin a bul thum tak hre lo tan chuan China sorkar hi thenawm ram chuh buai thin tiin kan sel a ni maithei. Chuvangin, ka tawn hriat tlem han tarlang ila.
China rama chanchintha rawngbawla ka awm lai khan mi chi hrang hrang ten Sir, khawi ram atanga lo kal nge i nih? tia zawhna hi ka tawng zing khawp mai a. Min zawttu a tam zawkte chu Police te, Sipai te, Pastor te, sumdawng te, driver te, passport siamtu te, etc. te hian min zawh hian India ram atanga lo kal ka nih thu hi ka chhan dan tlangpui a ni a. Chutia India ram atanga lo kal ka nih thu an hriat chuan a tam zawk chuan ka darah min kuah a, ni e unau kan nia, hmanah China ram atangin kan pi leh pu te kha khawthlang lamah an chhukthla a. Tuna India-in Arunachal Pradesh an tihah in awm alawm, ti tein an sawi tlangpui. China ram Yunnan Province leh Sichuan Province a awm hnam thenkhat thalai rualte chuan an zuk tlawhpawh tawh nghe nghe.
Aw le, kan thupuiah lut tawh ila, China Sorkarin eng vanga Arunachal Pradesh chu an official Map tharah an rinluh? tih zawhna chu a chunga kan tarlan ang hian kum AD 600 vel atang daih tawh khan China ram Sichuan Province leh Yunnan Province tlangram atanga British ram ruak (India in Independence a hmuh hma) daih tawh khan a awm tawh a. Chuvangin, China Sorkar chuan a ram atanga pem thla ram ruak (tuma ram ni lo) a awm China ram mi leh sa awmna ram chu China ram a ni e, tiin kum tam tak ramri te pawh an lo claimed daih tawh chu kumin 2023 China ram Communist hnuaia Law of Surveying and Mapping 30 Anniversary denchhenin India rama Arunachal Pradesh pumpui chu official Map tharah hian an rin lut ta a ni.
China sorkar hian an ram mite humhalhna dan fel takin a duang a. Chumi dan hnuaiah chuan Development pawh nasa takin a kalpui thin a ni. Kum sang tel liam taa kan pi leh pute lo awm tawhna duhlian tawnga chhinlung khua pawh Di in maurap mai ni tawh lovin, Cement concrete building tha tak tak changkang tak tak a ni vek tawh a ni.