Daily Newspaper

Chirag Paswan an Nitish Kumar tlak nan an beih tur thu sawi

28

BJP kaihhruai National Democratic Alliance (NDA) a tel tho si a, Bihar inthlana BJP thawhpui JDU leader Nitish Kumar nena thawhdun duh lova khing tur chuan ‘100 per cent’ in Nitish Kumar party te chu hneh tuma an beih tur thu a sawi.

“Nitish Kumar te nena kan tanhona hi tihluihna vang a nia. Zan khat thil thuah a thawhpui RJD leh Congress te hnawl thutin NDA ah a lo lut a, Chief Minister a ni leh zui a, duhthlan tur kan nei lo a lawm. Mahse, kan hriatchian tak chu Nitish Kumar chuan a agenda bak a ngaihtuah lova midang a ngaithla ngai lo” tiin Chirag Paswan, Lok Janshakti Party (LJP) chief chuan a sawi.

“Nitish Kumar agenda chu RJD leh Congress te nena a bultan a ni a, kum 2017-a an inzawmna chah hnuah pawh a chhun zawm reng a. Hengah hian kan party-in agenda kan nei ve em ni?” a ti bawk.

Chirag Paswan pa Ram Vilas Paswan hi BJP kaihhruai central sorkar a minister ni mek a ni a, October-November thlaa Bihar inthlan neih turah party mala an din tur thu a sawi a ni. BJP te chu a thawhpui dawn tho thu sawiin mahse Nitish Kumar party Janata Dal United (JDU) te chu an khin tur thu a sawi thung a.

“Nitish Kumar hi keimahni ni lovin voters ten an paihthla ang,” tiin a sawi bawk. A party te pawhin Nitish Kumar-a hna chelh mek Chief Minister ni tura an duh a ni a, mahse BJP te chuan anmahni ngeiin CM nihna chan an duh ngei dawna ngaih a ni thung.

Kum 37-a upa actor atanga politician a inlet chuan Nitish Kumar chu a dodal char char thu a sawi a. “Kum 2013 atanga politics ka luhchhilh atangin Nitish Kumar hi ka do tawh a ni. Prime Minister Narendra Modi vangin NDA a chhuahsan tawh a, kum 2014 khan PM thlawpin kan awm zui char char thung a, tunah pawh kan la thlawp reng a ni,” tiin a sawi bawk.

BJP te atanga nawrna a dawn loh thu sawi bawkin ‘a thurualpui te a ngaihsak tak tak lo’ tih ka hriat hnuah Nitish Kumar te nena awmho ka duh lo a ni a ti bawk a. “Amah nen kan la thawk dun lo va. Mahse, a agenda chauh ngaihtuah leh midang ngaithla duh lo a ni tih ka hria a. Mimala inbeihna kan nei lo va, a policy leh hnathawh dan ka duh lo a ni,” tiin a sawi bawk.

Chirag Pawan chuan seat thenkhatah chuan BJP te nena inelna a awm mai theih thu sawiin chu pawh ‘friendly fights’ a ni ang a ti a. “Kan chian em em chu BJP ten sorkar an siam dawnin kan pui ang. November 10 ni se la, Bihar in double engine government tak tak a hmu ang,” tiin a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy