Daily Newspaper

Chite-ah khumbeu tah zirtir dawn

36

Chite Bamboo Handicraft Cluster member-ten hnang tah lama thiamna tha zawk an neih theihna tur atan UNDP, EXIM Bank leh Bamboo Development Agency tanghoin ni 45 chhung awh tur training an buatsaih chu nimin khan hawn a ni.

UNDP leh EXIM Bank hian ‘Capacity Building of the MSMEs in North East India for Competitiveness’ tih hmanga project neiin, hmarchhakah Mizoram leh Assam-ah chiah hma an la rih. He project hmang hian kuthnathawktu/ loneitute, puantahtute leh kutthem-thiamna hmanga thil siamtute chawikan nan inzirthiamna bakah hmundang tlawhpui hunte siam thin a ni. Hralh-chhuah lamah pawh online hmanga an thil dehchuah zawrhna tur web portal leh mobile apps siam a ni.

Tuna an training tur hi khumbeu tah a ni a, UNDP lam aiawhte chuan, khumbeu hi Mizo hnam thuam zing ami, kan larpui tak a nih laiin Mizoram pum huap pawhin tahthiam an tlem tawh hle a ni, tiin, he thiamna hi a thih mai loh nan leh tam tak siamchhuaha hralhchhuah theih nan he training hi buatsaih a ni tih an sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy