Daily Newspaper

Chrissy Teigen a ruaklo

6

John Legend-a nupui, model Chrissy Teigen chuan an fa pathumna tur a pai ve leh ta. An naupai thu hi John Legend-a music video thar ‘Wild’ hmangin an puang a, he video-ah hian an fate Luna leh Miles pawh an lang.

John Legend music video thar ‘Wild’-ah hian a tawp dawnah Chrissy-i’n a naupai dul puar deuh tawh a dawm lai an tilang a, a hnung lam atangin John Legend-a’n a lo kuah bawk. Video-ah chuan Chrissy leh John ten an fate pahnih chu Mexico-a tuipui kamah kaiin an hawi khawthawng vel a ni.

John Legend leh Chrissy Teigen te hi music video atanga intawng tho an ni a, 2006 khan John Legend music video ‘Stereo’ an siamnaah a vawi khat nan an intawng a, an boruak a kal fuh ta a ni.

Chrissy hian naupai a harsat thu a sawi zauh zauh tawh a, an fa upa ber pawh hi IVF hmanga an neih a ni a, tunah an pai leh tak pawh hi IVF hmanga an pai bawk niin report a awm a, mahse, hei hi an chhungkaw lam chuan engmah an sawi lo.

He music video an tihchhuah hnu lawkah hian Chrissy pawhin a naupai dul puar deuh tawh chu khawlaiah a chhuahpui ta a, West Hollywood lamah niminpiah khan a chhuak vak a, blazer dum, top leh bike short leh sandal kaihna awm a inbel a, a naupai dul puar pawh a nalhpui zawk emaw tih mai tur a la ni tho mai!

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy