Daily Newspaper

Chrissy Teigen-i’n nau a chhiat

15

John Legend leh a nupui Chrissy Teigen te chuan nau an chhiat thu social media-ah an puang a. Teigen hi thi pût avangin damdawi inah a awm a, mahse, naute hi an chhan thei ta lo a ni.

Chrissy chuan a Instagram-ah, “Min barakhaih a an sawi chauh kan lo hriat thin nat vawng vawngna tunhma a kan la hriat ngai loh kan tawng. Thi pût kan tireh thei lo va, kan nautein a mamawh kan pe thei si lo, thisen tam tak min pek pawhin awmzia a nei ta lo,” tiin damdawi in khuma mittui tla a thu lai thlalak black & white a post tel bawk.

Chrissy chuan nau hming hi an pian hnuah phuah ni thin mah se an nau chhiat tak chu a pum chhunga a awm laiin a hming an phuah nghal niin a sawi a, “Keini chuan chhan eng emaw avangin ka puma naute awm chu Jack tiin a hming kan phuah a ni. Chuvangin kan tan chuan Jack a ni reng tawh ang. Jack chuan kan chhungkua a tel ve turin a bei nasa hle a, kum khuain kan chhungkaw mi a ni reng ang,” a ti bawk.

Chrissy chuan an mangan laia support-tu fans leh an thiante hnenah lawmthu sawiin, “Kan nunah hian kan lawm em em a, kan fa duhawm tak tak Luna leh Miles leh kan thil tawn tawh duhawm tak tak te nen. Mahse, nitin khaw êng mawi tak a ni reng bik si lo. He kan tana ni duhawm lo tak, kan lungngaih ni-ah hian, kan tap lo thei lo a ni. Mahse, intichakin kan inhmangaih zual sauh ang a, he hun hi kan paltlang ngei ang,” a ti bawk.

John Legend leh Chrissy Teigen te hian August thla khan an fa pathumna tur an pai thu hi an puang a, John Legend music video thar ‘Wild’ kaltlangin Chrissy naupai hi an lo puang tawh a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy