Daily Newspaper

City an bazar nasa dawn

18

English club lian Manchester City nipui bazarah sum sen nual an tum a, £300m vel zet sengin an squad thuamchak an tum niin DailySport chuan a tarlang.

Premier League leh FA Cup trophy an hloh hnuin season thar atan inthuamchak tum hle. An mamawh tlarhnung thuamchak turin Bourne-mouth lah Netherland defender Nathan Ake an dawr fel thawkhat tawh a. Premier League atanga tlahniam Bournemouth atangin Ake hi an la fel thuai tura ngaih a ni. Ake an la dawn tih a chian tawh lai hian Valencia atangin Ferran Torres an la lut fel tawh bawk.

City manager Pep Guardiola chuan an tlarhnung thuam chak turin defender ngaihven hlawh tak Kalidou Koulibaly lak a duh. United pawhin an ngaihven reng thin Napoli defender Koulibaly hi £60m senga lak luh an tum. Nathan Ake an la lut a, Koulibaly an la lut zui leh thei a nih chuan City tlarhnung hi khawng tha viau tura ngaih a ni a. Vincent Kompany chhuah hnua an tlarhnung phui lo tak chu an hnawh phui thei tawh tura ngaih a ni. Anni bakah hian an mual lai thuamchak turin Atletico Madrid in Antoin Griezmann thlaktu atana an lakluh Joao Felix pawh lak tumin an hel mek bawk. Portuggues midfielder tha tak Felix lak luh nan hian £80m vel sen an inhuam.

Heng player hrang hrang bakah hian striker tha, rintlak tak lei tumin ngaihtuahna an seng mek bawk. Striker lak an tum hi a hming tarlan ala ni lo nangin sum erawh an dah hnem tawk viau a, striker leina turin £100m zet an dah. Hetiang zat hi chuan striker tha tak an lei thei ngei dawn tih a chiang. An tum anga an bazar thei a nih chuan City hi position tinah an tha leh zual hle ngei dawn a, Premier League bakah champions league-ah pawh champion tura rinkai an ni ngei dawn. Bazar nana an sum ruahman zawng zawng £318m a tling a, player pahnih phei chu an dawr fel der tawh nghe nghe a ni.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy