Daily Newspaper

City an chak chiang

12

Nilai zan khan Europe khawmuala football club te inelna ngaihhlut hlawh ber UEFA champions League group match khelh zawh a ni ta a. Premier League club lian Liverpool chuan an mikhual Merseille chu si thum fai ngawtin an lo sawp a. Tlawm nei lovin group Stages an paltlang. FC Porto chuan khualmualah si hnih faiin hnehna an chang ve bawk.

Aguero a kir, goal a thun
Manchester khuaah boruak dang lam zet mai a thleng a. RB Leipzig hneh lova an tlawm vangin Manchester United in last 16 an lut zo lova, mualpho leh ngui takin hun an hmang. Sawiselna hrang hrang an tawh zut zut laiin Manchester khuaa langsar lo zawk ni thin Manchester City erawh chuan group champion ni chungin Marseille an mikhual a, awlsam taka hnehna changin chiang zetin last 16 an lut ve thung.

Etihah Stadium-ah Pep Guar-diola team City in Ligue 1 club lian Marseille an mikhual zan hian hliam vanga chawl reng Sergio Aguero chu inkhel hmachhawn turin a kir a, mual chhung a luh atanga minute 10-na lekah goal a thun a. |ha takin a kir. Pep Guardiola chuan City tana goal thun hnem ber Aguero hi fak in, goal thun a chawlhsan tak tak thei lo niin a sawi.

Premier League club lian City hian an mikhual Marseille hi thunun hneh thawhkhat viau mahse goal erawh an thun mai thei bik lo. Last 16 lut chiang tawh leh group champion ni chiang tawh an nih vangin 100% in an insawrbing tawk lo angin a ngaih theih. Heti chung hian an mikhualte an awpbet hneh viau tho thung. Chawlhlawk hmain goal hmuh tur a awm lo phawt.

Chawlhlawk hnu lamah City in bul an tan tha a, goal an thun ta thuai thung. Second half tan atanga minute thumna lekah rawl-thar duhawm Ferran Torres chuan hmahruaina goal a thun.Spian rawlthar duhawm Torres hian goal thun hi City in Etihad Stadium-a goal 1000 an thun tlinna chiah a ni. Torres hi club leh ram tan beisei-awm takin a inlan chho zel a, player ngaihven hlawh a ni chho tan der tawh.

City manager Pep Gruardiola chuan khup hliam vanga chawl reng Sergio Aguero chu mual-chhung a luhtir a, a tisual lo hle. Argentine striker Aguero hian mual chhung a luh atanga minute 10-naah an goal hnihna thun in, an hmahruaina a tihzau belh. Aguero hian champions League-ah goal 41 a thun tling chiah a, UCL-a Neymar goal thun zat a nih rual. City in Porto an hmachhawn hma hian PSG chuan Istatul Basaksehir lakah hattrick a siam in, UCL-ah goal 41 a thun tling chiah. South American zingah UCL-a goal thun hnem ber chu Lionel Messi niin goal 118 a thun a, Neymar leh Aguero te hian an dawt.

Aguero goal thun hnu hian goal dang thun belh tumin an mikhualte an nawr chhunzawm zel. Hun tawp dawn hnaih minute 90-naah Rah-eem Sterling chuan goal thun tumin tha zetin a pet a, mikhual team Mar-seille player González chuan an lamah a ti-goal palh a, mualneitu goal thumna a thunsak. Hun tawp thleng in goal dang a luh belh thei tawh lova, Ligue 1 club lian Marseille chu a vawikhat nan khualmualah a zawnin vawi riat ngawt an tlawm zawn a, hun chhe tak an hmang mek.

City hian kar tawp-ah inkhel hautak tak an hmachhawn zui leh a ngai dawn a. Premier League-ah an hmelma lian Manchester United chu Inrinni zan khian an mikhual ang. City lakah United an tlawm a nih chuan an manager Ole Gunnar Solskjaer an ban tawh ngei tura ngaih a ni.

Group C-a hmahruaitu Man-chester City in nuamsa taka hnehna an chan rualin pahnihna ni a, last 16 lut chiang ve tawh bawk FC Porto chuan khualmualah Olympiakos hmachhawn in, si hnih faiin hnehna an chang ve bawk.

Porto tan hian minute 10-na lekah Otávio chuan penalty pet goal in, hmahruaina goal a thun a, an goal hnihna hi minute 77-naah Mateus Uribe thun a ni ve thung.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy