ilai zan khan English Premier League 2025-26 khelh chhunzawm a ni a. Inkhel awmchhunah Manchester City chuan Etihad Stadium-a an mikhual Crystal Palace chu 3-0 ngawtin an lo sawp. City hian an chunga awm Arsenal khelh zat an khel chiah a, an inkar tizimin, an inkarah point 2 chiah a tlazep tawh.
Point 5-a an phak loh mek Arsenal nen an inkar tizim tur leh champion beisei zui thei tura chak ngei ngei mamawh Manchester City hian EPL a chak leh tlawma awmze nei lutuk tawh lo Crystal Palace an mikhual a. Rinlawk ang ngeiin City in harsa lo takin hnehna an chang a, an mamawh point thum an hmu.
Chak tumruh taka inlan Manchester City hian an mikhual Crystal Palace nawr tawm viau mah se an tum anga hmaah goal an thun thei bik lo. Palace zawkin hun tha nei hmasa mahse Donnarumma an paltlang zo lova, an lo offside hman hlauh bawk. An him hram hnuin City in goal thun tumin tan an khawh nasa leh zual a, darkar chanve hnu hretah an hlawhtling ta nge nge. City tan hian Antoine Semenyo chuan minute 32-naah chiang zeta si nghak Jordan Henderson bmin hmahruaina goal a thun.
An harsatna sukianga goal an thun vangin City an phur a, inrintawkna sang zawk nen an inlan chhunzawm. Etihad Stadium-a mipui sing tel pungkhawmte phur takin an au a, mualchhunga player ten chak tumin thahnem an ngai viau bawk. Hmahruaina goal an thun atanga minute 8 hnu lekah Omar Marmoush chuan fing ang reng taka pet goal in an goal hnihna a thun. Maroush goal thun hnu lawkah tauh lut zui teuh viau mah se City in goal an thun belh thei tawh bik lova, 2-0 a hmahruai chungin chawlhlawk an hmang.
Chawlhlawk hnu lamah inkhel a hmuhnawm chhunzawm a, goal pawh a luh belh har hle. Hun rei tak chhung goal lut a awm belh theih loh hnu hun tawp dawn hnaih minute 84-naah Savinho chuan City goal thumna thunin an chakna a nem nghet. Savinho goal thun hnu hian goal dang a luh belh tawh lova, City in an mualah point thum an hmuh belh.
City hin Bournemouth leh Aston Villa an hneh zui leh a, Arsenal an chesual zeuh a nih bawk chuan EPL champion an ni ang.
City in Arsenal an hnaih
