Daily Newspaper

City khel tur Real squad-a hmun chang lo Bale

16

Zanin Champions League last-16 second-leg tie-a Man-chester City luhkhung tur Real Madrid squad-ah Gareth Bale chuan hmun a chang lo leh.

Real manager Zinedine Zidane leh Spurs winger hlui Bale ink^r hi a tha lo zui zel a, kumin bik inelna hrang hrangah Welshman hian game nga chiah starting 11 a luah a, Europe inkhel paiwmawh an hmachhawn hnaivai berah pawh khelhna hmun a chang pha leh ta lo a ni.

French coach hian Etihad Stadium-a luhpui turin player 24 hming a tarchhuak a, Wales forward Gareth Bale a lang pha lo a; kum 31 mi ni tawh Bale hian June thlaa hripui tihbuai football an chhunzawm leh hnua Real game 11-ah vawihnih chiah khelin, vawi-khat luh hmasak a chang ve hram.

Bale hian September 2013 daih tawh khan a hun laia world record transfer ni turin Real hi pound maktaduai 85 tehrengin a zawm a; Tottenham chu a chhuahsan fuh phawt a, Spanish champion chu vawili ngawt Champions League trophy l^kpuiin, 2014 final-ah Atletico Madrid an tum tum phei chuan goal a khung a, kum 2016-a Europe Madrid derby an khelh nawn lehah pawh shootout-ah goal a thun leh bawk.

English team lian Liverpool lakah pawh kum 2018 khan goal hnih thunin, pakhat zawk phei chu a hmingthanpui bicycle kick kha a ni nghe nghe.

Nikum nipui lai khan Chinese Super League club Jiangsu Suning nen chawlhkar khata pound maktaduai khat hlawh turin an inrem hman a, mahse, Real Madrid lamin Bale chu a free-a chhuahtir an duh loh avangin Asia khawmualpui a pan thei ta lo a ni.

Wales forward hian club lakah helna a lantir zauh zauh a, Zidane nen an inkar a that loh t^k bawk avangin khelhna hun leh hmun a chang tl>m ta raih raih hle a, 2019-20 season kal laiah hian inelna hrang hrangah tum 14 chiah luhhmasak a la chang a, La Liga title an lawm lai thlalak an pholaah pawh a phur lo hle tih a hmuh theih a, kan hnung deuha game 10 chakz^wna Spanish champion an nihna inkhelah pawh substitute bench-a a muthlu lai l^k fuh a ni!

Tarlan tawh thin angin, Liverpool laka an Premier League title kawl lai hloh fel City hian thlanga dawn hripui avanga football a khaihlak hm^ February thla Spain ram first leg-ah 2-1-in mualneitu Real Madrid an lo hneh tawh a, zaninah an mipuite puihna dawng thei dawn lo mah se home advantage khingbai deuh nen mikhual an la thleng thei tho dawn a, team pahnih inkhela chak zawk zawk hian quarter-final lamah Lyon leh Juventus inkhela chak zawk zawk an tum ang.

Last eight atang chuan Champions League game zawng zawng hmunkhatah chhungkhawmin, August ni 12 atang khian Portugal ramah ni 12 chhung awh turin an khel dawn a, final hi August ni 23-a khelh turin an dah.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy