Inrinni zana English Premier League khelhah team lian pahnih; Man-chester City leh Liver-pool ten hnehnaan chang a, point thum an hmu.
Champion lai Man-chester City hian Etihad Stadium-ah champion tura an elpui lian zinga mi Newcastle United an mikhual a. Inkhel hautak takah minute 31-naa Jullian Alvarez goal thun hmangin hnehna an chang a, point thum hlu tak an hmu.
City lakah uiawm tak a tlawm Newcastle hi season liam ta khan an khel tha hle a, top 4 huangah inhlangkaiin, champions league an khel phak hial. Champions League khel tura an squad thuam chak leh zual an nih vangin season tharah tha zawka inlan thei tura ngaih an ni a. Bul an tan tha viau bawk. Season thara an khelh hmasak berah hnehna an chang nghal a. Inrinni zana an khingpui City hneh lo mah se an khel chhe hran lo va, an hmu-hnawmna a bo chuang lo
An muala harsa taka City an chak laiin Liver-pool chuan Anfield-ah AFC Bournemouth an mikhual a. Hma taka goal an chhuah hnuah 3-1 in hnehna an chang let a, point thum an hmu.
Anfield a lenglut Bournemouth hian bul an tan tha hle a, inkhel tan atanga minute thumna lekah Antoine Semenyo goal thun hmangin hma an hruai. Goal thun hma viau mah se Liverpool er let an tuar lova, tlawm zawkah an tang ta tho thung a ni.
Hma taka goal an chhuah vangin Reds hi tumruhna nasa zawk nen an inlan zui a, chawlh-lawk hmangin hma an hruai let hman. Minute 28-naah Luis Díaz chuan goal thunin an si phurh a sut a. Minute 36-naah Mohamed Salah chuan hma an hruai letna goal a thun a. 2-1 a hmahruai chungin chawlhlawk an hmang.
Chawlhlawk hnu lamah Reds inbul an tan chhe nawn leh a, minute 58-naah midfielder Ale-xis Mac Allister hnawh-chhuah a ni. Tlem zawk ni bawk mah se minute 62-naah Diogo Jota chuan an goal thumna a thun zui ta tho a, an hmahruaina a ti zau. Hemi hnu hian goal dang a luh belh tawh lova, Reds an chak ta a ni.
City leh Liverpool te an chak
