Daily Newspaper

City vs Real kaltlangpui tum

31

Karleh mai hi Real Madrid leh Manchester City-in Uefa Champions League round of 16 second leg match an khelh hun kha a nih tawh laiin Spanish club zawk player pakhat chu covid-19 a kai tih hmuhchhuah a ni a, heti chung hian Uefa lam chuan team pahnih inhmachhawn tur hi kaltlangpui theih ngei an inbeisei thu an sawi.

Thawhlehni khan Real chuan an forward Mariano Diaz ‘positive’ thu an nemnghet a, August ni 8 inkhel pawimawhah Etihad Stadium a lut ve thei dawn em a chiang lo a, club pahnih inhmachhawn tur boruak thlengin a tibuai pha dawn em tih zawhna a pian laiin Uefa thu-chhuah chuan hri kai kawltu club lam nen an inbiakpawh reng thu leh thil awmdan an thlir zui reng thu sawiin, Spanish thuneitute thutlukna pawh an thlir tel thu leh Madrid-a case an hmuhchhuah thar hian team pahnih inkhel tur a tihbuai an rin loh thu an tarlang.

Mariano hian inelna hrang hrangah Real Madrid tan game 40 a khelh tawh atangin goal 10 a thun tling ve tawh a, khelmual a luh tam zawk hi substitute bench atanga lut a ni.

Kumin bik inelna hrang hrangah Mariano hian a club tan game sarih khelin, March thla tira sihnih faia Barcelona an hneh tum khan goal a thun nghe nghe a, kha result kha Spanish champion an nih theihna kawnga Real tana pawimawhna lian tak nei a ni nghe nghe.

July ni 19 kha Real Madrid match khelh hnuhnungber ni rihin, La Liga away game-a Leganes nen 2-2-a an inhneht^wk tum khan substitute bench lamah Mariano hi a thutluan a, hei hian team dang nena inkaipherh hlauhthawnna a tihniam hlek tura ngaih a ni.

Real thuchhuah chuan an player hri kai kum 26 mi hriselna chu tun dinhmunah a tha tih sawiin, a chenna in lamah a inkhunghrang tih an tarlang tel.

Hripuiin football a tihsukuk hm^ Bernabeu first leg inkhelah khan City-in 2-1-in mualneitu Real an hneh a, second leg atan English team hi dinhmun tha zawka ngaih m>k an ni.

Spain ramah hian nitin hrikai thar an hmuh-chhuah belh zel a, tun dinhmunah covid-19 positive hi 298,000 chuang an awm tawh.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy