Climate change dang turin khawvelin kum hnih chauh nei tawh ti

Sorkar, sumdawng leh development banks te chuan climate change chhe zual zel dang turin kum hnih chauh an nei tawh tiin UN climate chief chuan a sawi a. Global warming chu politician ten agenda-ah an nei tawh lo, a ti bawk.
Scientists te chuan climate tichhetu greenhouse gas emission a zahve tala kum 2030-a tihtlem chu temperature 1.5 Celsius aia a san loh nana tihmakmawh an ti a, a nih loh chuan extreme weather leh lum nasa zawkin khawvel a tuam dawn an ti.
Nikum khan CO2 emission kaihhnawih energy pekchhuah chuan a san ber tum a tawng a. Tun ang det deta thil a kal a nih chuan kum 2030 ah chuan global emission pekchhuah tihtlem chu a hlawhtling dawn lo a ni.
Simon Stiell, Executive Secretary of the United Nations Framework Convention on Climate Change chuan tun atanga kum hnih chhung chu ‘kan planet chhanhim nana pawimawh chungchuang’ tiin a sawi.
“Greenhouse gas emission tihniam turin hun kan la nei a, natinal climate plans new generation kan kalpui a ngai a. Mahse, tunah kan mamawh ber chu ruahmanna tha leh khauh taka kenkawh a ni” tiin a sawi.
Stiell chuan economic power ram 20 te chu global emission 80% a mawhphurtute niin anni hian hma an lak a ngai tiin a sawi bawk a.
Kumin UN climate negotiation, Baku, Azerbaijan a neih tura thupui ber chu climate change beihna kawnga fossil fuel hal te tihtlem a nih nana ram thanglai mek tena harsatna an tawhah puihna tur lam a ni dawn a ni.
UN climate summits te chu tun hnaiah a tel an tam tial tial a, lobbyist leh sumdawng aiawh te chu sorkar palaite bakah inremna a awm theih nan an inrawlh ve nasa a ni.
Nikum COP-28 summit Dubai a neihah khan mi 84,000 dawn an tel a, tel zingah fossil fuel lobbyist 2,000 chuang an tel ve avangin sawisel a hlawh phah hle bawk.
Stiell chuan COP meeting-ah a tel tlem zawk a duh thu sawiin chu chu inremna khauh zawk a awm theih nan a tul a ti a. He mi chungchang hi kumina thlengtu tur Azerbaijan leh nakuma thlengtu tur Brazil te pawh a sawipui tawh thu a sawi bawk.
Climate finance chu debt relief te, ram rethei zawk te nasa zawka puih hmang te, shipping emission tax lak te leh World Bank leh International Monetary Fund reform hmang te a nasa zawka kalpui ni se a ti bawk a.
“Ni tinin finance minsiters, CEOs investors, leh climate bankers leh development bankers te chuan dollar trillion tel an pechhuak ziah a, heng dollar an pekchhuah te hi an thlak danglam a ngai a ni,” tiin Stiell chuan a sawi.