National Health Mission kaltlanga Mizoram sawrkar hnuaia thawkte chuan chief minister-in an chungchang a sawi duh danah a hnuaichhiah nia an inngaih thu an sawi.
NHM Employees Union Mizoram (NEUM) thuchhuak chuan, ram roreltuten tunhnaia an thusawiah NHM hnuaia thawkte chu India danpui kalha lak an nih thu an sawi chu mak an ti hle a. Chief minister meuh pawhin Independence Day lawmnaa an chungchang a sawi dan chu hriatthiam har an tih thu a sawi.
‘NHM hnuaia thawkte mipui hriata min hnuaichhiahna thu a sawi leh hmun dangah pawh a sawi chhunzawm zel hi a na kan ti a. Article 14 & 16 kan dikna chanvo min humhalh sak tur berin, keimahni min hnuaichhiahnan a letling daiha an hmang hi kan hrethiam lo a, hei baka discrimination hi a awm thei dawn em ni tih hi kan zawhna a ni,’ a ti.
CSS hnuaia thawkte state sawrkara dahnghehna tura dan siam – the Govt. of Mizoram Regularisation of CSS Employees Scheme 2024 hmanga CSS hnuai ami ni lo dahngheh an nih chungchanga Health & Family Welfare departmetn insawifiahna chu a fiah zo lo nia sawiin, lak an nihna order-ah co-terminus basis-a lak an nih thu leh regular an claim theih loh thu chiang taka tarlan a ni a. Heti chung hian department hotuten an hamthatna tur ngaituah leh an ngheh theihna tur dap sak a, co-terminus an nihna pawh delete-na tur proposal an kal tir lehzel tih NEUM hian a sawi.
He appoinment order hi a rang thei ang bera sut leh turin sawrkar an phut tih an sawi a ni.
CM-in a thusawiah min hnuaichhiah – NHM employees
