Daily Newspaper

CM-in mawh la ngam turin thu rawn

18

Mizorama Covid hrilengin ziaawm lam a pan theih loh chhanah chief minister Pu Zoramthanga chu mawh la ngam turin an ngen tih ZPM Thalai chuan an sawi.

ZPM Thalai Hqrs. thuchhuah chuan, Mizoram chief minister-in Covid thawhkhatna reh hnu, a thawhhnihna a thlen hmain Mizoram sawrkarin inbuatsaihna hun tha tak a nei chungin a muthlu a, a thawh hnihnaah harsatna nasa tak kan tawk ta tih a sawi. Khawchhak lama kan unau raltlante’n an pan ber Champhai district-ah he thu buatsaih a nih lai hian hri kai enkawl mek mi 38 an awm thu te; hrilengin zual lam a pan zel chhan chu khuarel chhiatna vang chu ni bawk mah se, sawrkar lam atanga ruahmanna felfai a awm loh vang a nih ber thu te a sawi. ‘MNF sawrkar hi mipui hian kan thatlai chauh ni lo, kan chhiat lai ber pawha kan aiawh tura kan thlan an ni tih hi chief minister hian a theihnghilh ta em ni, tih hi kan zawhna a ni,’ a ti.

Mizoram sawrkar Pu Zoramthanga kaihhruai chu, mipuite kuhmuma pâr a, thangthat lak an hreh lo ang bawk hian, an chetsual pawhin midang puh mai lo a, huaisen taka thudik sawi a, a diklo lai siamtha ngam turin an ngen tih an thuchhuah hian a tarlang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy