CM-in Shillong MHIP silver juhilee hmanpui
Chief minister Lalduhoma chuan nimin khan MHIP Shillong Branch Silver Jubilee lawmna chu khuallian niin a hmanpui a, Baryl Vanneihsangi, MLA chu khualzahawm a ni.
Chief minister chuan Shillong Branch MHIP chu Zofa, Shillong-a khawsa leh zirlaite, damlote tan a tangkai thin tih sawiin, mi tam tak tan malsawmna a lo ni tawh thin, a ti a. Shillong-ah MHIP Branch a awm tih kan hriat ringawt pawhin kan thla a muang a, hna tam tak thawk lova in inhriat lai hian mi tam takin kan thlamuanpui che u a ni, a ti.
State pawn lama Mizo awmte hi Mizoram aiawhtute in ni a, miten an hmuh dan che u hi Mizo mipuite an hmuh dan a ni nghal zel a ni tiin chief minister chuan a sawi a. Tlema han zilh leh han zirtir ngai an awm pawhin lo zilh hreh lo ula, YMA nena tang tlangin kan ram leh hnam hmel timawi lo thei lakah leh khawtlang nun siam that kawngah in lo tang tlang zel dawn nia tiin a fuih a, Meghalaya-a awm Zohnahthlak sorkar hnathawkte leh DRC te nen kawng engkimah thawkho a Zofate huikhawm hna kalpui zel turin a chah bawk.
Baryl Vanneihsangi pawhin thu sawiin, Shillong Branch MHIP te lawmpuina a hlan a, Shillong leh Meghalaya state khawsa zofate tana rawngbawlna tha tak tak an lo kalpui tawhnaah lawmthu hrilhin an kal zelna turah duhsakna a hlan a ni.
Shillong Branch MHIP-ah hian tun dinhmunah member 375 vel an awm mek a, member fee la pe lo engemaw zat an la awm niin sawi a ni.
CM-in Shillong MHIP silver juhilee hmanpui
