New Delhi-a cham mek chief minister Lalduhoma leh National Handloom Development Corporation Limited managing director Commodore Rajiv Ashok (Rtd) chu Nilaini khan Mizoram House-ah an inkawm a, Mizo handloom tihhmasawn dan tur an sawi dun.
An thil sawi langsar zingah, Mizorama la dawr (warehouse) siam, Mizorama office hrang hrang leh sawrkar hmun pawimawha tualchhuak handloom thilsiam hman tam dan tur, kutchhuak tha leh tlo zawk a awm theihnan modern electronics – Jacquard handloom uar ve dan tur, puantahtu ho thiamna tihsan zel dan tur leh state pawna an intihlar deuh deuh theih dan, NHDCL mithiamten Mizoram-in nasa zawka hma a sawn theih dan ruahmanna siampui bakah mulberry atanga la tam zawk siam chhuah theih dan tur, tih a tel a ni.
CM-in tualchhuak puantah tih hmasawnna tur sawipui
