Delhi Chief Minister Arvind Kejriwal chuan India mi Qatar-a thi mai tura an chung thu rel tawhte chhanchhuah chu India sorkar hna lian ber a nih thu a sawi a ni. Aam Aadmi Party (AAP) hruaitu leh Delhi Cm ni bawk chuan Nilaithawhtanni khan India mi pariat lai mai an man chungchang sawiin enthlatu-a puh an nih avanga man niin thi tura an chungthu hi rel a ni a, central sorkar chuan an mahni chhanchhuak turin a thuneihna zawng zawng a hmang tur a ni, tiin a sawi. Kejriwal chuan Qatar Court-in thi mai tura a rel tawh mi pariat Indian Navy-a lo thawk tawh kum 2022, August thlaa hren tawhte chungchang thu chu sawiin, sorkar chuan a theihna zawng zawng hmangin an chhuah theih dan tur a dap tur a ni, a ti. An vai hian Doha-based Dahra Global a Navy hna lo thawk tawh te an ni. Company hian tanpuina tinreng venhimna leh aerospace thlengin pek a lo tiam tawh a ni.
India sorkar chuan he thutlukna-in a barakhaih thu leh Union External Affairs Ministry chuan a ngaih pawimawh thu leh dan chi hrang hrang hmanga chhanchhuah an nih dan tur a dap thu a sawi ve bawk. “Qatar thutlukna siam hian nasa takin min barakhaih a, chipchiar zawka rorelna kan nghak mek a ni. Mi man te chhung nen kan in be renga, dan hman ngai tur te kan ngaihven reng a ni” tiin an sawi a ni. Delhi CM chuan Qatar rama India khua leh tui ten thi mai tura rorelna an hmachhawn hi thil lian tham leh ngaihven ngai em em a ni, a ti. He court rorelna hian India leh Gulf rama thil ti thei ber ram inlaichinna hi a ti chiang dawna, New Delhi-in thiana a siam zel theih dan a ti chiang dawn a ni. New Delhi hian he thutlikna sut leh tura a theihna leh Indian mi tang te him taka hruai kir an nih theih leh theihloh hian Qatar nena inthian thatna a siam theih chin a hril dawn a ni.
CM Kejriwal an chhanchhuak ngei turin tur
