Daily Newspaper

CM leh MLA-te an -ve vek, Thawhlehni-ah Session

6

Mizoram MLA 40-te chu Rapid Antigen Test (RAT) hmanga endik an ni a, an vaiin an negative vek.

Thawhlehni-ah Assembly Session an tan dawn a, hei vang hian chief minister, speaker, deputy speaker, minister leh MLA te an vaiin endik an ni. Thawhtanni khan mi 35 endik an ni a, a hmain mi panga endik an lo ni tawh.

“India Danpuiin a phut angin Session hi neih loh theih loh a ni a. Hripui leng karah Assembly thutkhawm hi koh a tul tak avangin fimkhur thilah MLA zawng zawngte COVID-19 test paltlang tir an ni a. Vanneihthlak takin, MLA zingah tumah COVID-19 vei an awm lo tih finfiah a ni,” tiin sorkar chuan thuchhuah a siam.

Session atan hian inkaihhruaina (SOP) duan a ni a, deputy speaker Er Lalrinawma chuan hri laka himna tur ngaihtuah a nih thu The Aizawl Post a hrilh.

SOP-a a lan danin, Assembly building luh dawnah member-te chu thermal scanning hmanga endik an ni ang a, hand sanitizer lo chhawp a ni bawk ang. Member-te hi hmai tuamna hmang turin an inhriattir bawk.

Member-te hi 99°F aia sanga khawsik, khuh, thawhah leh awm na te tun hnaia an neih chuan Session Hall-ah an lut dawn lo a, quarantine mek nena in-contact te, containment area leh lockdown area-a kal te, Covid-19 natna vei chenpui leh he natna vei nena tun hnaia in-contact te, , Covid-19 natna lanchhuah dan natna nei te an nih chuan an lut lo bawk ang.

“Hon’ble member-te chu Session Hall leh Recess Room-a an awm lai pawhin social distancing zawm tur leh face mask vuah reng tura beisei an ni,” tiin inkaihhruainaah an ziak bawk.

Session hian ni thum a awh dawn a, bill ngaihtuah tur leh paper pharh (lay) tur a awm bakah zawhna leh chhanna hun hman a ni ang a, starred question 239 leh unstarred question 56 a awm.

Session atan hian health department chuan nodal officer an ruat a, damdawi lam thiamte’n an thutchilh dawn a ni. Anni hian Rapid Antigen Test hmanga member-te endik hna pawh an thawk a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy