Daily Newspaper

CM Zorama’n 76 tling

12

Mizoram chief minister Zoramthanga chuan nimin, July 13 khan kum 76 a tling ta a. A pianchampha lawmna atan India sawrkar hotute leh state chief minister dangte bakah amah duhsaktu mi engemawzatin lawmpuina thu an hlan.

Twitter-ah Prime minister Narendra Modi chuan pian champha chibai a buk bakah duhsakna a hlan a. Zoramthanga chu politics-a mi hlun leh hruaitu zah kai, Mizoram hmasawnna atana theihtawp chhuahtu a ni, a ti. Union Home minister Amit Shah pawhin CM Zoramthanga hi chibai a buk bakah hmasawnna tura Mizoram tana thawk zel turin a chah.

Ram tana thil tha tam tak hnutchhiah tawh politician hlun, remna leh muanna atana thawh hlawk tak, tiin Mizoram larsap PS Sreedharan Pillai chuan lawmpuina chibai a buk a. Union Home minister Amit Shaha bakah Union ministers – Rajnath Singh, Nitin Gadkari, Gajendra Singh Shekhawat, Arjun Munda, Hardeep Singh Puri leh Dr Jitendra Singh tel state dang chief minister leh minister te, MP, MLA te leh India ram politician hrang hrangten lawmpuina leh duhsakna thu an hlan a. MPCC president leh Mizoram CM hlui Lal Thanhawla pawhin Twitter kaltlang hian lawmpuina leh duhsakna a hlan a ni.

Mizo National Front president ni mek bawk Zoramthanga hi 1944 July 13 khan Darphunga leh Vanhnuaichhingi te fa 8 zinga a naupang ber dawttu ni turin Samthang khua, Champhai district-ah a piang a ni.

Thawhtannia Council of Ministers thutkhawmah a chhungten chief minister Zoramthanga puala an siam cake chu member-te remtihna-in zaia a puala hun hman a ni.

The Aizawl Post Full Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy