Daily Newspaper

Coaching Centre leh Youth Centre sak tum

9

MINECO-a Mizoram Youth Commission Coaching Centre leh Youth Centre sak tum chu Nilaini khan deputy chief minister Tawnluia’n a lungphum a phum.

Thalaite hmasawnna tura hmalakna kalpui mektu Mizoram Youth Commission (MYC)-in Youth Centre leh Coaching Centre sakna tur bul a tan thei ta chu lawmawm a tih thu deputy chief minister hian a sawi a. “Sawkar chuan thalaite a ngaihvenzia tilangin a tih tur a ti a, a tihhlawhtling tura chona ropui tak hi thalaiten an chhanlet a tul a ni,” a ti.

MYC chairman Dr.Vanlaltanpuia, MLA chuan an thil sak tur chu thalaiten ‘kan office’ an tih theih tur ni thei se a duh thu leh India ram pum inelna sanga Mizo thalai tam zawk an lan theihna tura thil tangkai a nih a beisei thu a sawi. Delhi-a coaching kal turin Mizo thalai lehkhathiam beiseiawm zual thlanchhuah 20 rual vel thawn tum a nih thu te, Covid avanga ram danga hnathawk hna chan ta te tuamhlawm dan tur ruahman a nih thu te a sawi bawk.

MYC secretary Donny Lalruatsanga sawi danin, MYC Coaching Centre sak nan hian cheng vaibelchhe 3 leh Youth Center sak nan vaichelchhe 5 ruahman a ni a, kum thum chhunga sak zawh hman tura duan a ni. Coaching Centre hi chhawng thuma sak tur niin coaching room, computer room, cafeteria, conference hall, office leh quarters a awm dawn a. Youth Centre-ah hian career guidance/ knowledge centre, gym room, guest room, indoor hall, meeting room, officer leh art & craft room te a awm dawn a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy