Daily Newspaper

Coca-Cola ten hnathawk 2,200 ban

15

Coca-Cola company chuan an hnathawk 2,200 lai khawvel puma an hnathawk atanga chhuta 17% lai chu company inrelbawlna siam thatna lamah ban an nih thu an sawi.

Atlanta-a inbun company te chuan an hnathawk ban zinga a zahve chu US chhunga mi an nih thu sawiin Coke te hian mi 10,400 vel hnathawk chhawr an nei a. Coke hian khawvel pumah kum 2019 tawp lam thleng khan hnathawk chhawr 86,200 an nei a ni.

Coronavirus pandemic chuan Coke sumdawnna nasa taka titlahniamin stadium leh movie theatre te an inhralh thatna ber ber te chu lockdown leh punkhawm khap avangin khar a ni a. July-September chhung khan an revenue chu 9% laiin a tlahniam a ni.

Pandemic lêng avanga an tawrh nasat avangin company chuan inrelbawlna siamthat mai loh chu tih theih an neih loh thu an sawi a.

“Kan sumdawnna kalpuina kawngah inrelbawlna siamthat ngai kan ti a, pandemic leng in ti lo thei lovah min siam a ni,” tiin Coke Chairman leh CEO James Quincey chuan a sawi.

Coke chuan an brands zahve 200 laia tihniamin kuminah an thil siam Taz, Zico coconut water, Diet Coke Fiesty Cherry leh Odwalla juices te chu an titawp a ni.

Company te chuan an sum dahthat la neih te chu an brand thenkhat Minute Maid leh Simply juice te tihchangtlun nan leh product thar Topo Chico Hard Seltzer, Coca-Cola Energy leh Aha sparking water te siam nan an hman tur thu an sawi a. An business segment pawh 17 atangin 9 ah an tihniam bawk a. Ruahmanna an siam tharah hian sum dollar mtd 350 atanga mtd 550 vel an seng tura ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy