Daily Newspaper

College admission-ah sawrkar lu a hai – H&TE minister

18

Kumtina college admission-a seat indaih lohna piahlamah kuminah hrileng vanga phai college-a kal thei lo tur an tam dawn avangin sawrkar lu a hai hle tih Higher & Technical Education minister Dr R. Lalthangliana chuan a sawi a. Kohhran leh private college te zirlai tam zawk la thei tura inhawng turin a ngen.

H&TE minister hian kohhran leh private college hrang hrang principal-te chu Thawhtanni khan kawmin, college admission chungchang leh thil pawimawh dangte a sawipui a. Kum dangah college admission chungchangah zirlaiten seat indaihlohna avanga harsatna an tawh thin laiin, kuminah phei chuan Covid-19 leng vanga lo haw, zirlai tam tak phaia an zirna chhunzawm remchang tawhlo an awm dawn avangin sawrkar lu a hai hle tih a sawi.

“Zirlai admission changlo engemawzat an awm thei dawnin a lang a, sawrkar college-te pawh insangmar turin kan ngen viau chungin, kan dinhmun hi a la khirh hle a. Kan zavaia kan tan ho a ngai a, zirlai lakbelh thei turin ngaihtuahna seng ula, a theih ang anga tan lo la turin ka ngen che u a ni,” a ti.

H&TE director K. Lalrinzuali chuan sawrkar college nilo tan pawh sawrkarin dan leh thil pawimawh dang zawm tura a duante tha taka zawm a pawimawh thu te, a bikin hrileng karah hian thawhhona tha neih a pawimawh tih a sawi a. UGC norms leh guidelines ngaipawimawh hram hram tura chahin, zirtirtu indaihlo lutuka in chhawr hian zirna quality a tichhe thei tih hrereng turin college principal-te a chah a. Private college te inrelbawl dan tur – Establishment Rules pawh sawrkarin a buatsaih mek tih a sawi bawk.

Minister hi Mizoram Youth Commission chairman Dr Vanlaltanpuia leh H&TE hotuten an tawiawm a. Mizorama kohhran/private college 9 – HATIM Lunglei (Arts & Commerce), Kapthangi College Lunglei (Arts), Aizawl City College (Arts), Divine Mercy College Aizawl (Management), St. Xaviers’s College Lengpui (Arts & Commerce), Helen Lowry College Aizawl (Arts & Commerce), Mizoram Christian College Aizawl (Arts & Commerce), Faith College Aizawl (Arts), Kawnpui College (Arts) te an ni.

ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy