Aizawla college hrang hrangah ruihhlo laka him tura hmalakna atan Anti-Drug Club din tum a ni.
Ruihhlo chungchanga hmalakna chikhat – Nasha Mukt Bharat Abhiyaan Aizawl District hnuaia Sub-Committee on Drug Prevention in Schools and Colleges chu an chairman, bawrhsap Nazuk Kumar hoin Nilaini khan an thukhawm a. Hmalakna leh hmachhawp thlirhoin, ruahman thenkhat an sawi.
Ruahmanna sawi zingah college zirlaite atangin master volunteer-te ruat a, training pek an nih hnuah an rualpui thalai/ zirlaite zingah ruihhlo that loh zia leh a invenna an zirtir dan tur sawi ho a ni. College hrang hrangah hian zirtirtute kaihhruaina hnuaiah Anti-Drug Club din tha an ti a ni.
Thutkhawmah hian Higher & Technical Education department aiawhte leh college hrang hrang principal emaw an aiawhte emaw an tel.
Kum kalta lamah pawh khan Nasha Mukt Bharat Abhiyaan hmalakna in master volunteer-te kaltlangin zirlaite zingah ruihhlo chungchang zirtirna an lo pe tawh thin a, a mamawhte hnenah counseling pein mi engemawzat inenkawlna hmunah an thawn a ni.
College-ah Anti-Drug Club
