Govt. Aizawl College-a Political Science department chuan Thawhlehni khan Mualpuia an college hall-ah Mizoram Legislative Assembly inthlanpui neih tak chungchang sawiho leh zirhona a buatsaih.
Seminar chawhma lamah GAC Political Science associate professor Dr Lalmalsawma Khiangte kaihhruaiin college hrang hrang leh Mizoram University-a mithiamten inthlanpui neih zawh taka political party hrang hrangte dinhmun leh vote tlak dan an sawifiah.
Chawhnuah GAC associate professor H Ramdinpuia kaihhruaiin mithiamten Mizoram inthlanpui kaihhnawih thupui hrang hrang – information technology hman tangkai dan, hmeichhhe candidate chungchang, MPF chungchang, election politics leh sakhuana chungchang leh thupui dangte an sawi a ni.
Thupui hrang hrang sawiho a ni a, political party mite, kumin MLA inthlanpuia candidate thenkhat, chanchinbumite leh college-a thawkte an tel a ni.
College-in inthlan thlirlet
