College zirtirtu qualified lo
ban turin MSU-in CM ngen
An qualified theihna tura vawi tam hun pek belh tawh an ni chunga tun thlenga college zirtirtu qualified lo chu ban ngam turin Mizo Students’ Union chuan chief minister an ngen.
MSU Gen. Hqrs hruaitute chuan Thawhtanni khan chief minister Lalduhoma hmu in, college zirtirtu qualified lo (NET/ Ph.D neilo) 29-te kum khat dang hun pek belh leh an ni chu tha an tih loh thu an thlen a. An qualify theihnan vawi tam hun pek belh leh pawhsei sak an ni tawh chunga qualified thei lo an nih avangin huaisen taka ban ngam turin an ngen. 2025-2026 academic session tan hma ngeia an contract hi titawp turin an ngen a ni.
Scholarship chungchangah ZPM sawrkar hnua state matching share a hun taka pek zel a nih avangin chief minister hnenah hian MSU hruaitute chuan lawmthu an sawi a. Chutih rualin, scholarship 2023- 2024 4th installment la dawn loh avanga zirlaiten harsatna an tawh thu thlenin, theihtawpa sawrkar laipuia nawrpui turin an ngen.
Chief minister chuan MSU hruaitute thu thlen chu pawimawh a tih thu a sawi a. Theihtawpa bawhzui sak a tum thu a lo sawi a ni.
College zirtirtu qualified lo ban turin MSU-in CM ngen
