Company hlu ber Microsoft in AI uar zual zel

Microsoft chuan kum 2023 kum tawp lam khan sum an lakluhbelh nasat thu sawiin chu chu artificial intelligence tools demand sang vang tiin an sawi.
Company chuan September atanga December thla revenue chu a kum hmasa aiin 18% a tam zawkin $60 billion an lakluh thu an sawi a.
Microsoft chu khawvela company hlutna nei sang ber ni tawhin tun thla tir lam deuh khan Apple chu a kalkan a ni. Chief Executive Satya Nandella chuan Microsoft chuan AI chu nasa zawkin a kalpui mek tiin a sawi bawk.
Company in investor te hnena quarterly update a pek atangin Microsoft chu tech firm tena AI lama intlansiakna nasa tak an neih mekah sulsutu leh dinhmun tha berah a ding mek tih a chiang bawk a.
Tech giant Microsoft te hian OpenAI, ChatGPT bot siamtu te ah share sang ber an nei mek bawk a, ChatGPT hi kum 2022 a tihchhuah tan kha a ni a, a lian chak hle a, mahse, sawisel hlawh tho in US news organisation New York Times chuan OpenAI chu an copyright bawhchhia tiin an khing mek bawk.
He lawsuit ah hian Microsoft pawh hming tel niin New York Times te chuan harsatna an siamsak avangin dollar billion chuang zangnadawm nan an pe tur a ni an ti.
ChatGPT leh large language models (LLMs) te chuan online a data tam em em mai chu analyse in a zir thei thin a ni.
Microsoft chuan AI-assisted tools te chu coding tih nan te leh thil hrang hrangah a software siam leh sumdawna thilah te a telh tawh a. Sales of Copilot chu nikum November thla atang khan a hralh chhuak tawh a, he programme hmang hian Team ang a meeting neihnaa tel ve lo te tan awlsam takin a khaikhawmna a siam thei a ni. Copilot hian email pawh ziak theiin, word document, spreadsheet graph leh Powerpoint presentation thlengin a ti thei vek bawk.
Satya Nandella chuan an hmalakna chuan customer thar a neihbelh tir nasa tiin a sawi a. Hei mai bakah hian Microsoft’s Azure cloud computing pawh kum khat chhungin a thanna 30% lawih a ni bawk.
Artificial intelligence strategy chu Alphabet, Google leh YouTube neitute pawhin ngaih pawimawh berah an neih thu thawhleha an investor te hnena update an siamah an tarlang bawk.
Alphabet te pawhin nikum September-December revenue chu a hma kum nena khaikhinin 13% a pungin $20.7 billion lawih anih thu an tarlang bawk a. Boss Sundar Pichai chuan company search, cloud computing leh YouTube te chuan AI investment avangin hlawkna an nei vek a ti bawk.