Daily Newspaper

Cong, AIUDF, Left thawkho dawn

34

Perfume baron Maulana Badruddin Ajmal kaihhruai All India United Democratic Front (AIUDF) chuan kum 2021 Assam Assembly election ah Congress leh left Front te nena tanghova chuh an remti ta.

Congress tena tangho tura min sawmna chu kar kalta Inrinni khan party in kan ngaihtuah hnuah kan remti ta a ni tiin AIUDF te chuan an sawi a.

“Covid-19 khuahkhirhna avangin meeting kan nei mai thei lo va. Kan president Ajmal an Congress leh kan rilru ang pu party dang te, secular political party Citizenship [Amendment] Act duhlote nena thawhho a rem ti a ni” tiin AIUDF thupuangtu Haider Hussain Bora chuan a sawi.

“AIUDF in BJP te beihlet a duhna chuan grand alliance a siam ta a ni” tiin Congress thupuangtu Rhituparna Konwar chuan a sawi a. Communist Party of India, CPI (Marxist) leh CPI (Marxist-Leninist) te pawh an tel thu a sawi bawk.

CM candidate
Party pahnih te chuan thla hnih kalta khan inbiakna an nei tawh a. Mahse, chief ministerial candidate-ah buaina an nei thung a. He mi chungchang hi chu ‘grand alliance’ in sorkar an siam theih hunah sawiho turah dah a ni ta zawk a ni.

Congress MLA leh Opposition leader ni Debabrata Saikia chuan regional party thar te chu BJP te thuneihna chang lova siam turin a ngen a.

“Regional party thenkhatte chu an mang tawh a, a la bang te chuan kum 2021 a BJP paihthlak tumin tanrualna an nei a ni. Duhsakna ka hlan a, mahse, anti-BJP te kan tangho vek lo a nih chuan BJP ten thuneihna an chang leh thei,” tiin a sawi.

Hei hi Raijor Dakl, political party peasant rights leader Akhil Gogoi group, Kirshak Mukti Sangram Samiti October 2 a indin te a sawina a ni a. Congress leader chuan Asom Jatiya Parishad leh students’ organisations pahnih All Assam Students’ Union leh Asom Jatiyatabadi Yuba Chhatra Parishad te pawh a sawi thawi bawk.

Assam-ah hian BJP sorkar a ding mek a, northeast a BJP tihchak tumin Northeast Democratic Alliance dinin BJP te chuan chet an la na hle.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy