Site icon The Aizawl Post

Cong ten BJP ‘Bhrasht Jumla Party’ ti

Congress general secretary (Organisation) K.C. Venugopal leh communication chief Jairam Ramesh te chuan January 26 atanga haath se haath jodo abhiyaan (hand-on-hand together campaign) an kalpui tur kaihhnawih zelah Narendra Modi sorkar lakah phek khat ‘charge sheet’ an tichhuak.

He ‘charge sheet’ ah hian Congress te chuan BJP te chu ‘Bhrasht Jumla Party’ tiin an mantra ber pawh kuch ka saath, khud ka vikas, sabke saath vishwasghaat (mi tlemte hlawkna, mahni inhaivurna leh midangte phatsanna) an ti.

‘Kuch ka saath’ (benefit of a few) hnuaiah sumdawng thlan bik te, mihausa tawntaw 10% vel chauh te, India hausa =na 64% lai nei tu leh infrastructure asset heng ports leh airports te chu ‘Prime Minister thian hnai bik te hnenah pek an ni’ tiin an sawi bawk a.

‘Khud ka vikas’ (development for self) segment hnuaiah Congress te chuan BJP te chu propaganda atana vaobelchhe tel tehmeuh hmangah puhin duhsak bikna kalpuiah an puh bawk a.
Unemployment, food security, women’s security, loneitute harsatna, hate speech, mipui thlan sorkar te paihthlak leh khawvel tehna hrang hranga India rank hniam zel te chu ‘sabke saath vishwasghaat’ section-ah an dah thung.

Venugopal chuan union territory of Jammu and Kashmir (J&K) aah Inrinni kalta khan bomb pahnih puak mah se Bharat Jodo Yatra chu kalpui chhunzawm zel a ni ang a ti a.
“Yatra tan hma kar hnihah J&K L-G Manoj Sinha nen Yatra kaihhnawihah inhmuhna kan nei a. J&K-a kan leader te leh seucrity lamte an inbe pawp reng a ni,” tiin a sawi.

 

Yatra tawpna
Kanniyakumari atanga Kashmir thlenga kea kal chhuah zak tihtawp nan party chief hlui Rahul Gandhi, Bharat Jodo Yatra kaihruai mektu chuan Srinagar-a Lal Chowk area a Pradesh Congress Committee office ah national flag zarna a nei dawn a, chumi hnuah Sher-e-Kashmir Stadium-ah public meeting a nei zui ang.
Yatra kharna chu permanent structure neiah generation thar zel tena an hriat zui zel tura an duh avangin a hmun atan pawh Congress office chu thlang an nih thu a sawi.
“Kawngzawh hi January 29 ah a tawp ang a. January 30 dar 10 AM ah Rahul Gandhi chuan Pradesh Congress Committee office-ah national flag chawikanna a nei ang a, public meeting-in a zui ang,” tia sawiin Opposition leader te pawh tle tura sawm an nih thu a sawi bawk.

Exit mobile version