Daily Newspaper

Congress hruaitu lawk ten President hmu dawn

28

Congress leader aiawh te party president hlui Rahul Gandhi pawh a telna te chuan Nilaini hian President Ram Nath Kovind hmuin Lakhimpur Kheri tharumthawhna thlenga thil awm dan dik tak ziahlanna pek an tum.

Congress hruaitu President hmu tur te hi pasarih ni dawnin Rajya Sabha a Leader of Opposition Sabha Mallikarjun Kharge, senior party leaders AK Antony leh Ghulam Nabi Azad, Lok Sabha a Congress leader Adhir Ranjan Chowdhury, party general secretary Priyanka Gandhi Vadra leh KC Venugopal te pawh an tel ang.

Chhun dar 11.30 ah President hi an hmu dawn a, he mi atan hian ziak dikna pawh an thehlut sa tawh bawk.

Congress-te chuan Union Minister of State for Home, Ajay Mishra, a fapa Ashish chu Lakhimpur Kheri buaina thlenga FIR thehluha puh zinga a tel avangin bang turin an ngen bawk a. Hei bakah hian loneitute thihna a mawhphurtute chu na taka hrem an phut bawk a ni.

Ashish chu kar kalta Inrinni khan Uttar Pradesh police te chuan an man tawh a. Ni eng emaw zah thuzawhfiah atan an kawl rih dawn a ni. Lakhimpur Kheri buaina thlengah khan mi pariatin nunna an chan a, palite chu loneitute niin Ashish chuanna vehicle chuan loneitu kawngzawhte chu a sutlang a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy