Madhya Pradesh-a election campaign-a a zinnaah Prime Minister Narendra Modi chuan Congress chu beiin MP-ah hian Congress sorkar heti zat lo awm tawhah hian hnam hnufual zawk tribal te chawikanna tura hmalakna hi a la awm ngai lo reng reng, tiin Congress chu a puh a ni. PM Modi chuan Pathianni khan thu sawiin Congress hruaitu pahnih Digvijaya Singh leh Kamal Nath te chungchang sawiin an fapa ten Madhya Pradesh an thunun theih nan party-ah lal an inchuh mai mai a ni, tiin a sawi. “Congress hruaitu lian pahnih te hian an faten party chhunga thuneihna an chan theih nan an bei ve mai mai a ni,” tiin PTI chuan Modi-a thusawi a sawi chhawng a ni. PM chuan kum sawmnga dawn rorel tawh party hian he state-a tribal te hmasawnna tur lam hawi hian hna a thawk ngai lo a ni, tiin Congress Party chu a puh bawk.
PM Modi chuan BJP-in sorkarna a siam leh theihna tur chak tak a awm a, politician thenkhat-in mi 5-10 vel atanga thutlukna an siam ang mai hian BJP sorkar lehna tur hi a chiangin kan hmaa election kan neih tur result pawh hi a chiang a ni, a ti. PM Modi-an MP a tlawh naah hian State chief minister Shivraj Singh Chouhan chuan, “BJP thil tum chu hmasawnna leh mipui dinhmun chawikan a ni a. Kamal Nath-a policy chu thil hlui tawh niin Madhya Pradesh tih chhiat a ni. Kamal Nath model chu dan bawhchhiat te, eirukna model te an ni. Heng model hlui tak tak hi a hlawhchham anga, BJP-in sorkarna a siam ang” tiin a sawi ve bawk a ni. Madhya Pradesh hi State panga inthlang tur zinga pakhat niin November ni 17-ah vote an thlak anga, December ni 3-ah a rualin vote hi chhiar tur a ni.
Congress hruaitu pahnih te inbei dawn – Modi
