Daily Newspaper

Congress te ‘James Bond of Spying’ : Naqvi

8

Pegasus chungchang sawiho ngiata Parliament rorel thei lova siam mektu Congress te chu ‘James Bond of spying’ tiin Unon minister Mukhtar Abbas Naqvi chuan a sawi a. ‘dawt leh phuahchawp’ hmanga Parliament hun tha luanraltir a ti bawk.

Rajya Sabha Deputy Leader ni bawk Naqvi chuan Congress te leh opposition thenkhat dang te chu midang te puhkuala chetlaah a puh a.

PTI tena an interview naah Minority Affairs Minister chuan sorkar chuan mipuite kaihhnawih eng issue pawh sawiho a inpeih reng thu sawiin sorkar leh opposition inkar chhia chu siamthata awmin Lok Sabha leh Rajya Sabha thataka a kal theih a beisei thu a sawi a.

Lok Sabha leh Rajya Sabha mumal takin tun monsoon session ah a kal hleithei lo va, bill thenkhat chu pass a nih rualin Opposition party te chuan Pegasus, loneitute chungchang sawiho ngiatin July 19 a Parliament session neih tan tawh chu rorel hlei thei lovin an siam a ni. Opposition ten Pegasus chungchang sawiho an ngiat laiin sorkar in a duh lo thung.

Senior BJP leader chuan Parliament monsson session pawhtawi ni dawna sawi pawh hnawlin ruahman angin August 13 thlengin neih a nih tur thu a sawi bawk a.

Congress leh opposition party thenkhatte chu debate pangngai tak mipui te kaihhnawih neih duh lovah puhin Parliament rorel thei lovin an siam a ni, a ti bawk a.

“A hmasa berah corona chungchang sawiho an ngiat a, a hnuah an duh lo leh a. Loneitute chungchang sawiho kan duh an ti a, a hnuah an duh lo leh a. India ram hmun hrang hrangah tuilian thleng mek te a awm laiin an ngaihsak lo, thil man sang chungchang pawh an ngaihsak lo,” tiin a sawi bawk.

Opposition tena Pegasus issue a sawihona neih an phut tlat chungchangah Naqvi chuan Parliament hun hi dawt phuahchawp leh siamchawp hmangin tihriral an duh a ni tiin a sawi bawk.

“Hun khawhral hauh lovin IT Minister Ashwini Vasihnaw an thuchhuah siamin Rajya Sabha-ah sawifiahna awm se a ti a. Sawifiah pawh nghak lova buaina siamin tharum thawh duhna rilru an lantir a ni,” tiin a sawi bawk.

Naqvi chuan Oppostion party tam zawk te chuan debate leh sawihona neih an duh a, Congress te erawhin anmahni a hotu ber nihna inbel ngawtin an rilru puthmang chhe tak chu Opposition te rilru puthmangah an chhuah a ni, a ti bawk a.

“Congress-te hian opposition party dang te ngaihdan leh thlirna te pawh lambun vek an duh a. Congress te hian anmahni thuin leader of Oppositon an inti a ni,” tin Rajya Sabha MP chuan a sawi bawk.

Naqvi chuan Congress te chuan mipuite pawh Rafale jet chungchangah kawng dik lova hruai tumin Parliament hun an khawhral sak dan te chu mipui ten an hre vek a ni, a ti bawk.

“Congress te hi an thuneihna chan laiin spy lama James Bond an ni. Sorkarna an chelh laiin spy nasa takin an kalpui a, opposition an nih veleh inenthlak chungchang duh lo takzet angin an awm leh mai a” tiin Naqvi chuan a sawi bawk.

UPA hun lai pawh khan an finance minister ngeiin a nih kha an sorkar laka spy kalpuia puh ni tiin a sawi bawk a.

“Boruak siam an tum a, heng puhnaah te hian behchhan engmah a awm lo” tiin Minister chuan Pegasus chungchang chu a sawi bawk.

International media consortium te chuan Indian mobile phone number 300 chuang Pegasus hmanga enthlak a awm an ti thung a. Chung zingah chuan Rahul Gandhi, union ministers – Prahlad Singh Patel leh Railways and IT Minister Ashwini Vaishnaw bakah sumdawng lian Anil Ambani leh CBI chief hlui te pawh an tel a. Anni bakah hian journalist 40 te pawh an tel bawk.

Congress leh Opposition party thahnem tak te chuan Supreme Court kaihhruaia chhuichian ngiatin hei bakah hian sorkar chu Pegasus spyware a hman leh hman loh sawi chiang turin an ngiat bawk a ni.

Naqvi chuan eng issue pawh mipui kaihhnawih chu sawihona neih an duh reng thu sawiin Opposition party te chuan notice pein Lok Sabha Speaker emaw Rajya Sabha chairman hnenah an hrilh mai tur a ni, a ti bawk.

Opposition tena parliament buai nuai nuai laia bill an pass lui tho an sawiselah Naqvi chuan an hunlai chhut let mai se UPA hun laiin buai nuai nuai laiin bill engzah nge an pass tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy