Congress te chuan Madhya Pradesh chief electoral officer hnenah strong room atanga postal ballot la chhuak leh fel lo taka thiltiah puhin Balaghat collector chu hrem turin an ngen.
Mahse, Chief Electoral Officer (CEO) Anupam Rajan chuan local Congress leader te chuan engmah sawisel an nei lo a ti ve thung a.
Madhya Pradesh-ah November 17 khan Assembly poll neih niin December 3-ah vote chhiar a ni ang.
“Service vote te postal ballot chu assembly-wise a thliar hran niin strong room atanga lakchhuah a nihin Congress leh Bharatiya Janata Party agents te an awm a ni. An awmna tur bawmah ngei dah a ni,” tiin Rajan chuan a sawi thung.
Baihar service vote 429, Lanjhi 553, Paraswada 452, Balaghat 1,308, Waraseoni 391 leh Katangi 126 te chu agents te awm lai ngeia dah hranin a awm, tiin a sawi bawk.
Congress vice president JP Dhanopia, party’s in-charge of election affairs chuan memorandum a thehluhah postal ballot te chu treasury room atanga lakchhuah niin chumi hnuah staffer te hnenah hlanchhawn a ni tiin a sawi thung a.
Hei vang hian postal ballot thianghlimna chu rinhlelhawmin a awm a ni tiin Dhanopia chuan a sawi a, chuvang chuan Balaghat Collector Girish Chandra Mishra leh he mi kaihhnawiha hnathawktu zawng zawngte chu suspend kan ngiat a ni a ti bawk.
Mishra erawh chuan thuchhuah a siamah strong room chu local tehsil office a siam niin polling agents te awm lai ngeiin postal ballot te chu thliar hran a ni a ti ve thung a.
Tih thin dan angin Electronically Transmitted Postal Ballot System (ETBPS) district hrang hrang a mi te chu tlai dar 3 ni tinin assembly-wise in thliar hran thin a ni a ti bawk a.
Ballots te chu fimkhur takin Election Commission-in dan a siam angin a hlawma dah thin a ni tiin a sawi bawk.
Congress ten Balaghat collector hrem
