Daily Newspaper

Congress ten economy thilah PM Modi na takin an be

7

Congress te chuan Narendra Modi sorkar chu India ram ‘economic anarchy’ leh financial emergency lama nawrah puhin sorkarin demonetisation a kalpui leh GST (Goods and Services Tax) dik lo taka a kalpui leh lockdown a kalpui te chu ‘master strokes’ ni lovin ‘disaster strokes’ tiin an sawi.

National Crime Record Bureau (NCRB) report behchhana hmangin Congress te chuan kum 2019 khan loneitu 116 leh hnathawh tur nei lo mi 38 te chu mahni intihlumin an awm an ti bawk a.

Finance Minister Nirmala Sitharaman chuan a dinhmun luah reng turin moral authority a nei tawh lo tia sawiin ‘tun hnai kum ruk chhung inbumna an kalpui’ chu Pathian dem nan an hmang an ti bawk.

A video blog dangah Congress chief hlui Rahul Gandhi chuan kum 2016 demonetisation chu economic tlakchhiat intanna niin kha vang khan GDP tawmtetna chu 23.9% kum 2020-21 first quarter ah a nih phahna zel a ni tiin a sawi bawk.

High value currency Rs 1,000 leh Rs 5,00 tihtawp kha India mirethei, loneitu, kuthnawthawk leh dawr tenau neite informal sector a awm te pawisa faia innghat te beihna a ni, tiin Gandhi chuan a sawi bawk.

“India pum chu bank pawnah an ding a, in bank in i sum neih i dah lut a. Zawhna hmasa ber chu : chu chuan black money a tireh em? Tireh lo. Pahnihnaah, India mirethei te demonetisation hlawkna chu eng nge? A chhanna chu : engmah. Chuti tu nge hlawkna tel? A hlawkna chu India billionaire hausa ber ber te hnenah pek a ni. Eng tiangin? I pawisa i iptea i ah te, in ina i dah te kha sorkar chuan laksak che in heng mihausa tawntaw te leiba ngaihdam nan a hmang” tiin minute 3 leh 14 seconds video a siamah a tarlang a ni.

“Demonetisation tum pahnihna chu system atanga pawisa fai nuaibo a ni a, chu chuan informal leh unorganised sector te pawh a huam vek. Prime Minister ngeiin cashless India a duh thu a sawi a, cashless Hindustan a duh a ni. Mahse, cashless India a awm chuan informal sector te hi tihchhiat vek a ni dawn a ni. Demonetisation kha India rama unorganised economy beihna niin hei hi kan hriat fiah a ngai a ni. Ram puma tangruala kan beihlet a ngai,” tiin a sawi bawk.

Economy chungchangah sorkar an beihna chhunzawm zelin Congress chief spokesperson Randeep Surjewala chuan virtual press meet a neihnaah first quarter a GDP tlahniam nasa tak chuan Indian tinte average income nasa takin a nghawng tur thu a sawi a.

GDP chu “Grave Damage to Public God” ah chauh a ni tawh a, GDP hi kum khat chunga 11% a a tlahniam a nih chuan India mitin ten an hloh chu Rs 15,000 zel a ni ang, a ti a.

Congress-te chuan mi pangngai te inflation leh taxes tihsanin a nuai laiin Centre chuan State sorkar te chanpual GST compensation pawh a pe duh lo a ni, an ti a.

“Modi sorkar chhiatna kawl thing thla in, India beiseina leh duhawm hmu let leh turin kan thawh hun a ni,” tiin Congress thupuangtu Randeep Surjewala chuan a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy