Daily Newspaper

Congress ten MLA tlantau te thlem, tunkarah fiahna neih hmel

17

Rajasthan politics buaina chuan reh lam a pan hauh lo va, hetihlai hian rorel lai Congress te chuan State Assembly-ah member an ngah tawk thu sawiin MLA tlantau te chu kir leh turin an ngen bawk.

Pradesh Congress Committee president Govind Singh Dotasra chuan rebel MLA te chu BJP te thangah an awk tia sawiin an tihsual hrefiaha let leh turin a ngen a.

“Party-a an lo let leh a nih chuan zahawm takin kan lo lawm ang a, kan hrethiam em em a ni,” tiin a sawi.

Hetihlai hian Rajasthan Anti-Corruption Bureau te chuan Prevention of Corruption Act behchhanin tun hnaia audio tape tihchhuaha MLA te chu suma thlem an nihna behchhanin thubuai a ziak lut a.

He FIR ah hian Congress MLA Bhanwarlal Sharma chu chevel ber tua puh niin a hma in State police Special Operation Group te chuan FIR pahnih an lo thehlut tawh bawk.

Speaker chuan MLA 19 te hnenah anti-defection law hnuaiah showcase notice pe tawhin heng zingah chian Deputy Chief Minister hlui Sachin Pilot pawh a tel bawk.

ACB Director-General Alok Tripathi chuan audio clip chu Forensic Science Laboratory ah enfiah tura thawn a nih tur thu a sawi a. Hetihlai hian Judicial Magistrate court chuan Sanjay Jain chu kawl bawkin, ani hi middleman a tang bera ngaih a ni a, audio tape kaihhnawihah hian kar kalta Zirtawpni khan SOG te chuan an lo man tawh a ni.

Hetihlai hian Delhi-ah BJP te chuan Congress tena horse-trading a awm ngei tihfinfiah nana an hman audio tape chung changah dan kalha phone tapping tih a ni tiin dan kalha mi inbiakna lo record chu chhui chiang turin ngenna an siam ve thung.

Hetihlai vek hian Congress sorkar chuan Assembly a MLA pahnih nei bharatiya ribal Party (BTP) te thlawpna an nei let leh thei thung a, party leader te chuan CM Gehlot hnenah an thlawpna lehkha an pe lut a ni. A hmain BTP te hian an MLA pahnihte chu floor test neih huna neutral-a tang turin thupek an lo pe tawh a, Congress te chuan member 200 awmnaah MLA 109 an neih thu an lo sawi tawh bawk.

Dostara chuan press conference a neihnaah BJP rorelna Haryana police te chuan Sachin Pilot thlawptu MLA rual te chu SOG team tena an zawn laiin an resort awmna atanga an tlanchhuahnaah an pui a ti a. “Manesar a resort a MLA awm te chu kawngkhar thuhruk atangin lakchhuah an ni,” tiin a sawi.

PCC chief Dostara chuan Sachin Pilot leh MLA te chu an state police te eng vanga ring ngam lo nge an nih zawhna a zawt a. “Eng vangin nge Haryana sorkar hian Rajasthan MLA te a ngaihsak em em?” a ti bawk.

Congress party te chuan thla kaltaa Rajya Sabha inthlan neih atang tawhin BJP te chetdan atanga thil inmung a awm hriaa fimkhur taka an lokal tawh thu an sawi a. Hetihlai hian Delhi-a senior Congress functionary chuan Pilot chu party-ah an la lawm reng thu a sawi a, mahse, Pilot camp lam chuan an duh tawh lo tiin an sawi thung.

Tunkar-ah Assembly Session
Rajasthan Chief Minister Ashok Gehlot chuan House-ah a chakna lantir nan tunkarah Session koh a tum dawna ngaih a ni.

Inrinni khan Gehlot chuan Governor Kalraj Mishra chu BTP MLA pahnih tena an thlawp tur thu an sawi hnuah a hmuzui nghal a ni. Chief Minister chuan inkawmna satliah a ti na in Governor hnenah assembly session ko tura a ngenna tia sawi a ni thung.

Congress te chuan Thawhlehnia Rajasthan High Court in Speaker in Sacin Pilot pawl te hnena disqualification notice a pek chungchanga petition an siam a ngaihtuah hnuah chauh chetlakna an neih tur thu an sawi bawk.

Rebel MLA lam chuan Sachin Pilot lama tan duh MLA 30 an neih thu an sawi a, chu chu thudik a nih chuan Gehlot sorkar chu tla mai tur a ni a. Mahse, Ashok Gehlot chuan a laka rinawm MLA 109 a neih thu a sawi thung.

Kar kalta atang khan Sachin Pilot leh a rebel MLA te chu Delhi-ah an awm khawm ta char char thung a. Chief Minister-in meeting a kohah pawh a tel duh loh avangin Deputy Chief Minister leh Rajasthan Congress Chief a nihna chu hlihsak a ni bawk.

Congress te chuan kar kalta Zirtawpni khan rebel MLA zinga pahnih- Bhanwar Lal Sharma leh Vishvendra Singh te chu Congress party atangin an hnawtchhuak a, Ashok Gehlot sorkar tihthlak tuma Union Minister Gajendra Singh Sekhawat nena phiarrukna kalpuiah an puh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy