Prime Minister Narendra Modi an Congress leader Rahul Gandhi chu tun hnaiah Mukesh Ambani leh Gautam Adani te a sawisel ngai tawh loh danah a rukin inremna an siam ni awm anga a sawi hnmuah Congress te chuan BJP leh Modi chu crony capitalism chungchangah an beilet ve thung.
|halaite tana video hmang thuchhuah a siamah Gandhi chuan Modi chuan tun hnai ni li ni nga chhung vel chu PM Modi chuan inthlan zawhah prime minister a nih tawh dawn loh avangin drama siamin rilru lak pen tum nan engpawh a ti ang tiin a sawi.
“Unemployment chu issue lian ber a ni a, Narendra Modi chuan thalaite chu kum khatah hna vaibelchhe hnih pek a intiam a ni. Dawt a sawi a, hna pek aiah demonetisation kalpuiin GST fuh fel lovin a kalpui bawk a, mahse Adani te ang hlawkna tur chuan engpawh a ti thung,” tiin Gandhi chuan a sawi bawk.
“June 4-ah INDIA bloc chuan sorkar a siam ang a, August 15 atangin bharti bharosa [job assurance] scheme hnuaiah thalai 30 lakh te tan hna siam nghal a ni ang” tiin Rahul Gandhi chuan a sawi zui a ni.
Thuchhuah a siamah Congress leader Jairam Ramesh pawhin Modi sorkar chu Indians mipangngai hausakna chhuksaka crony corporates te hnena pe a ‘drain of wealth’ kalpuiah a puh bawk a.
Kum 150 kalta khan Dadabhai Naoroji ‘Drain Theory’ chuan India mipuite hausakna chu laksakin England ah thawn zel a ni a ti a. “Kum 2014 atang khan chutiang ang tak ‘drain of wealth’ chu Bharat ke Parivaar (India’s families) atangin Modi ka Parivaar (Modi’s family) te kuta a lut kan hmu a ni. Hei hi prime minister in ‘hum Do Humaare Do’ policy a kalpui a cronies te a duhsakna nghawng zel a ni. Modi Anayay Kaal kalmek zelah ‘Drain of Wealth’ hian record thar zahpuiawm tak a siam zui zel bawk. National Accounts Statistics 7 May, 2024 a tihchhuah chuan India’s net household saving chu kum thum chhungin Rs 9 lakh crore in a tlahniam a ti a ni” tiin Ramesh chuan a sawi bawk a.
Household-te loan lak chu Rs 7 lakh crore atangin Rs 14 lakh crore ah kum thum chhungin a sang a, September 2023 khan Reserve Bank of India (RBI) bulletin tihchhuah chuan India net financial savings chu GDP atanga 5.1% lek a ni a ti bawk.
“BJP sorkar hi economic hlawhchhama siama gold loans lak record siama tisang tute an ni. Kan gold loan lak mek hian India history ah a tum khat nan Rs 1 lakh crore a pel tawh niin RBI data chuan a tarlang a. Kum 2014 atanga hmasawnna awm chhun chu Prime Minister crony industrialist te bak an ni lo. Vawiinah hian India billionaire 21 te chuan Indian mirethei 70 crore te hauhsakna belhkhawm aiin an hausakna a turu tawh zawk” tiin Congress leader chuan a sawi bawk a.
X a post dang a siamah Finance Minister hlui Congress leader P. Chidambaram pawhin Congress manifesto chuan economy lamah private sector leh enterprise tin te – large, medium, small leh micro te puihna tur a dah vek a ti a. “level playing field kan siam ang a. Crony capitalist tena monopoly leh oligopoly an kalpui hi kan duh ve lo” tiin Union Minister hlui Chidambaram chuan a sawi.
Congress ten PM Modi chhang let
