Daily Newspaper

Congress ten ‘Zamandari System’ thar kalpui tumah sorkar puh

9

Parliament monsoon session neih mai turah agricultural ordinance pathum chhawpchhuah tur a ni a, chung zingah chuan Essential Commodities (Amendment) Ordinance, 2020 pawh a tel a, hei hi Congress te chuan sorkarin loneitute aia crony capitalist te an puih nana ruahmanna pathum tia sawiin ‘Zamindari system’ thar tiin an sawi.

Essential Commodities (Amendment) Ordinance, 2020 hian agricultural commodities te chu essential commodities atangin a paih vek dawn a. Ordinance dang pahnih parliament-in a chai tur te chu Farming Produce Trade and Commerce (Promotion and Facilitation) Ordinance, 2020, State Agricultural Produce Marketing legislations pawn lama barrier-free inter-State leh intra-State trade and commerce kalpuina tur a ni a. A dang pakhat chu Farmers (Empowerment and Protection) Agreement on Price Assurance and Farm Services Ordinance, 2020 niin contract farming legal framework pek a ni thung.

“Modi sorkar hian heng ordinance pathum hmang hian agriculture sector chu a khawih na takzet a. Heng ‘black laws’ te hi loneitu vaibelchhe tel te, agriculture labourers leh commision agents (aarthis) te phiarrukna a ni. He thil hi sual tak mai hi agriculture leh farming crony capitalist kuta dah tumna a ni,” tiin Randeep Surjewala, chief Congress spokesperson chuan a sawi a. Narendra Modi sorkar chu British East Indian Company nena tehkhinin loneitute kalh zawnga che-ah a puh bawk.

Surjewala chuan Agricultural Produce Market Committees (APMC) tihchhiat chuan loneitute chuan minimum support price (MSP) an dawn theih tawh loh tur thu a sawi a. Bihar-ah chuan AMPC hi kum 2006 khan tihtawp a ni tawh a ti bawk a. “Bihar a loneitute dinhmun chu tha lo atangin chhiat lam panin a kal a. Agents te chuan loneitute hnen atangin tlawm taka an thlai thar te leiin State dangah MSP price a hralhin hlawkna nasa tak an chang a ni,” tiin a sawi a.

Modi sorkarin thil tharchhuah ram chhung hmun tina hralh theih an tih chu dawt muhlum a ni a ti a. “Thudik tak zawk chu, agriculture census 2014-16 angin loneitute hian ram acre 5 aia tlem an nei a. Ram an neih te hi 2 acres aia te zim zawk a ni. Hetiang dinhmunah chuan loneitu 86% te chuan an thlai chin te chu hmun dangah an phur thei lo tihna a ni a, loh theihlohin an tana hnai ber market-ah an zawrh mai a ngai a ni,” tiin Surjewala chuan a sawi bawk a.

AMPC tihtawp chuan States te sum lakluhna a ti tawp dawn tiin a sawi bawk a.

Surjewala chuan contract farming ordinance a pawi ber chu MSP chu thunun a nih dawn loh vang tia sawiin, “Mandari system tih tawp a nih chuan loneitute chu contract farming-ah an innghat lo thei dawn lo va, company lian te chuan loneitute thlai chinah an huana thlai chinah ngei chuan a man an chhiar mai dawn a ni. Hei hi ‘Zamindari system’ thar chu a ni” tiin a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy