Daily Newspaper

Conor hi ka hneh ang – Tyson

12

Boxer lar, palian huanga champion thei naupang ber Mike Tyson chuan UFC fighter lar Conor McGregor nen boxing ring chhungah inhmachhawn ta se awlsam taka a hneh tur thu a sawi.

Chhuak hmasa lama kan lo tarlan tawh angin kum 54 mi Tyson hi ring chhunga kir in, inhnek a hmachhawn leh dawn a. September ni 12 khian weight then hran pali ngawta champion ni thei Roy Jones Jr nen Los Ageles-ah an inhmachhawn dawn. Jones Jr nen hian exhibition match an khel dun dawn a, round riat vel inhnek tumin an inbuatsaih mek. Exhibition match ni bawk mahse boxer pahnihte hian an ti mai mai dawn lo viau a, inhnek hmuhnawm leh boruak nei lian tak a nih a rinawm.

Jimmy Fallon chuan The Tonight Show-ah Tyson hi Conor McGregor chungchang a sawipui a, Tyson hian Conor nen ring chhunga boxing dan hmangin inhmachhawn se awlsam taka hneh in, a sawp hrep theih a rinthu a sawi a. Boxer ropui Floyd Mayweather lakah mit la taka inlan thei ‘The Nortorious’ hi a fak hle tho thung.

Tyson chuan boxing-a tlawm nei miah lova hun hmang tal thak Mayweather hmaah beisei aia thaa inlan thei McGregor chu fakin, “Boxing khel mumal ngai miah lo a ni nang a, kum 100 chhunga boxer ropui ber pawl Mayweather hmaah round 10 chhung zet mit la taka ding thei mai kha a ropui in, Irishman hi fakawm ka ti khawp mai. Mayweather meuh hmaah pawh khati chen a tha tak a khel thei khan a boxing khel tura a that tawkzia a tilang chiang hle a, a thatna tilang turin fiahna dang a ngai tawh lova”, a ti.

Roy Jones Jr lakah fiahna hautak hmachhawn tur Mike Tyson hian boxer lar leh tunlai mi zawk pawh hmachhawn se chak theih a inring hle bawk. Iron Mike Tyson hian a vanglaiin inhnek vawi 58 a hmachhawn a, vawi 50 a chak. Kum 20 mi a nih laiin palian huanga champion lai a knockout a, palian huanga champion thei naupang ber a la ni ta reng a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy