Mizoram State Consumer Dispute Redressal Commission (Mizoram State Consumer Court) chuan National Insurance Company Ltd chu an tih tur an tih that tawk loh avangin cheng nuai nga chawi turin a ti.
Vaivakawn-a cheng ZD Lalremthanga chuan a in leiminin a tihchhiat palh a hlauhthawn thu ah 2019 September 9 khan National Insurance Company Ltd atangin Standard Fire & Special Peril insurance policy cheng vaibelchhe khat claim theihna tur Rs. 32,450-in a lei a. Company hian ama remtihna tel loin 2020 April 24 khan a insurance policy hi an cancel sak a. A premium a pek let lehna turin a bank account thehlut turin ti mah se, a thehlut duh lo.
Leimin hian ZD Lalremthanga in hi a tichhia a; 2021 March 5 khan insurance hi a claim. A dilna chu National Insurance Company Ltd hian a hnawlsak a, hei vang hian State Consumer Court-ah thubuai a thehlut a ni. A dil ang takin State Consumer Court hian pe turin ti lo mah se, he insurance company hian a tih tur a nihna ang taka a tih loh avangin zangnadawmna cheng nuai 5 chu ZD Lalremthanga hi pe turin a ti a, he thutlukna a tihchhuah ni – 2025 September 23 atanga chhiara ni 60 chhunga pe turin a ti.
Consumer Court-in insurance company cheng nuai 5 chawitir
