Mawmranga Organic FPC (Farmer Producer Company) leh NHAR Organic Pvt Ltd. Guwahati chuan Thawhtanni khan Agriculture minister C.Lalrinsanga kaihhruaina hnuaiah contract farming atan thawhhona thuthlung an ziak.
Minister chuan tunhnaiah Haulawng lama Mizo hmarchate tharchhuah USA-ah hlawk takin hralh a ni tawh tih a sawi a. Hetiang hian kuthnathawktute thawhrimna rah hlawk zawka suma chantir turin sawrkarin hma a la zel a; thlai rah dangah pawh contract farming hi kalpui chhoh tumna a awm a, hma pawh lak mek a ni tih a sawi. “Mimal anga thlai tharte hralh ai chuan cooperative movement hnuaiah hetiang kuthnathawktute thawhhona leh tanrualna hian awlsamna kawng tam tak a siam a, a hlawk zawk a ni,” a ti.
Thawhhona thuthlungah hian Mawmrang Organic FPC aiawhin CEO Brenda Lalrinsiami leh NHAR Organic Pvt Ltd aiawhin Mirdul Sharma ten an hming an ziahhnan a; inremna thuthlung ang chuan Mawmrang Organic FPC hnuaia kuthnathawktu chhungkaw 100 ten kumkhat chhunga Chhibung (White Sesame) an tharchhuah hi a tlem berah metric ton 60 emaw a tam lamah metric ton 100 chu NHAR Organic Pvt Ltd hian a leisak dawn a ni.
Mawmrang Organic FPC hnuaiah hian Pawlrang, Khawkawn, Changzawl leh Lamzawl khuaa kuthnathawktute an thawkho a n
Contract farming-ah MoU siam
