Daily Newspaper

Convalescent Plasma Therapy hmantlak lem lo

18

Convalescent plasma (CP) therapy chu coronavirus (COVID-19) ten hlawkpuina an nei lo tiin Indian Council of Medical Research (ICMR) tena India ram hmun hrang hranga hospital 39-a zirchianna an kalpui hnuah an puang.

Enchhinna hian April-July awhin Hospital-a damlo 464 te Covid-19 la na lem lo te hnenah convalescent plasma- Covid-19 kai tawh dam chhuak leh te thisen atanga plasma lak thlitfim an pe a ni.

Kar kalta khan ICMR Director General Balram Bhargava chuan trial an neih zawh tawh thu leh result an puan mai tur thu a lo sawi tawh a.

A tirah chuan heng Covid-19 damchhuak leh te taksa sipai (antibodies) te chuan virus kai mek te thisena virus te chu hnehin an inthlah pung tur an dan theih an ring a ni.

Mahse, damlo 235 plasma pek te “best standard of care” (intervention arm tia sawi) pek te leh damlo 229 “standard of care” (control arm tia sawi) pek te chu danglamna a awm lem lo tih finfiah a ni ta a ni.

“Damlo 34 lai (13.6%) te intervention arm pek thi an awm a, control arm-ah damlo 31 (14.6%)” an thi thung,” tiin report chuan a tarlang.

“CP chuan Covid-19 kai tawhah moratality rate a tihniam emaw a nasa tur emaw a veng lo” tiin an sawi bawk a. Heta an thil hmuhchhuahte hi prepint repository MedRxiv ah tihchhuah niin a awmzia chu report chu medical jounral peer-reviewed a ni lo tihna a ni.

PLACID trial hi open-label (damlo ten enkawlna an dawn tur hriat lawk) a ni a, parallel-arm, Phase 2, multi-centre, randomised controlled trial te chu India rama tertiary care hospital 39-ah kalpui a ni a. Heng zinga 29 te chu public hospital niin 10 te chu private hospital an ni thung a, States leh UT 14 chhunga mi khawpui 25 laia mi te an ni bawk.

He zirchianna hian a hmaa CP chuan thatna em em a nei lo tih chu a nemnghet hlea ngaih a ni a.

Heta thil hmuhchhuah te erawh CP chu lifesaver tia political party tena an aupui a kalh thung a. Delhi Chief Minister Arvind Kejriwal pawhin plasma therapy chu Delhi in Covid-19 a beihletna kawngah pawimawh chungchuang a lo ti tawh a. US President Donald Trump pawhin plasma therapy a lo fak tawh bawk a. United States medical regulator, Food and Drug Administration hotulu erawhin CP thatna an sawiah ngaihdam a dil thung.

ICMR chuan a hmain medical practitioner te chu Covid-19 kai damlo na lem lo te lakah CP an hman a lo remti tawh thung a. Hei vang hian a tirah CP duhna nasa tak awmin damlo dam tawh te chu plasma thawh tura ngenna pawh a nasa hle a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy