Aizawl District Marketing Cooperative Society (ADMACS) Limited chuan kum hnih chhungin financial transaction Rs. 8,14,43,456.75 a nei tling.
ADMACS Ltd hia Inrinni khan Aizawlah general assembly an nei a. Member Development Scheme atan cheng nuai 20 an dah chu member-te dinchhuahna atan ruahmanna siamin tangkai takin hman an tum dawn tih an Society chairman LT Sanga chuan a sawi.
Kum 1982-a Registrar of Cooperative Societies-a registration neia din a ni. Report-a a landanin, engmah lo atanga tanin 2022-2023 leh 2023-2024 chhungin Rs. 8,14,43,456.75 an chetkual tir a, Rs. 2,03,51,869.71 closing balance an nei.
Member-te tana hlawkna tur ngaihtuahin project hrang hrang an ruahman a, 2023- 2024 chhung hian mi 100 chuang hnenah loan Rs. 1,60,71,500 pe chhuakin an hnena sum dah, lakchhuah hun a thlena la chhuak hnenah Rs. 3,97,77,008 an pe chhuak tawh.
2023- 2024 chhung hian scheme hrang hrang – saving, pigmy, fixed leh recurring deposit atangin Rs. 6,51,90,659 hmuh a ni a. Sawrkarin share Rs. 4,60,500 neiin member-te share thawh tlingkhawm Rs. 3,66,500 a ni.
Kum 2023- 2024 chhungin loan Rs. 1,60,71,500 pekchhuah a ni a, hemi kum vek hian loan recovery Rs. 97,06,875.75 hmuh a ni.
Cooperative society-in nuai 800 chuang vir tir
