Daily Newspaper

COP26 president-in emission tihniam turin ngen

17

COP26 President Alok Sharma chuan world leader te chu emission pekchhuah nasa taka tihniam nghal tura ngenin thla leha Cop26 summit neih hunah Paris climate goal plan tihhlawhtlinna tibahlah thei dang turin a ngen bawk.

November thla hian Glasgow khawpuiah Cop26 summit neih a ni dawn a. Sharma chuan 2015 Paris Agreement-in kan chenna lei 1.5 degree Celcius temperature aia hniama dah a tiamna chu major polluter tena emission nasa taka an tihniam duh lo zel a nih chuan a hlawhtling dawn lo tiin a sawi a.

“COP26 hlawhtlinna hi an kutah a awm” tiin a sawi bawk a. “1.5 degree limit hi tuna chetlakna kan neih nghal loh chuan kan tihlawhtling dawn lo,” tiin a sawi bawk.

Paris accord siam a nih hnu kum rukah pawh ram hrang hrang te chuan 1.50C target an siam tihlawhtling turin an la hlawhchham rih zel a.

UN chuan tun ang zela emission tihchhuah a nasat zel chuan kan chenna lei chuan tun kum zabi chhungin 2.7C a kai hman tur thu sawiin chu chu chhiatna a nih hawt tur thu a tarlang bawk.

Emission tihhniam nana hmalakna turu tak bakah host Britain chuan Glasgow summit neih turah climate buaipuina kawngah ram thang mek te sum hmanga nasa zawka puih leh Paris Agreement ‘rulebook’ siam fel te tihmakmawhah a ngai bawk.

Sharma chuan October thla tawpa Rome khawpuia G20 summit neih tur chu tun dinhmuna pawimawh ber tia sawiin G20 member te chu global emission 80 per cent pe chhuaktute an ni tiin a sawi bawk a.

World leader 120 te chuan COP26 ah tel ngei an tum thu an tihchian tawh thu a sawi bawk a, COP26 hi pandemic leng avangin kumkhata sawn tlaiin a awm a ni.

“COP26 hi photo op a ni lo va, talking shop pawh a ni lo. Climate chungchanga kan thutiam te tihhlawhtlina nih theih nana forum pawimawh a ni a, hruaitute kuta innghat a ni,” tiin Sharma chuan a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy