Tun weekend kalta khan pasal a nei a, an molawm boruak pawh a la kian tak tak hmain Taylor Swift tan chanchin lawmawm dang a awm leh ta a, Kimberly Marasco-i’n copyright bawhchhia a a puhnaah court-in Swift hi thiam a chantir ve leh ta bawk.
Taylor Swift-i’n a hla ‘The Man’-ah Marasco hian a poem “Oridnary Citizen” a lachhawng niin a puh a. Swift hlathuah hian “I’m so sick of running as fast as I can / Wondering if I’d get there quicker if I was a man,” tih a awm a, chu chu Marasco hian a peom a, “I’m running behind / You say its His word against mine,” tih atanga lak ni a puhin, court-ah copyright bawhchhiat thubuai a theh lut ta a ni.
Mahse, US District Judge Aileen M. Cannon chuan July ni 6 khan ruling tichhuakin, hetiang a thu kawh tum, a entir leh theme a inang tih vel chu ‘protected expression’ a nih loh avangin dan bawhchhiatna a ni thei lo, tiin Marasco puhna hi a hnawl ta a ni.
Court chuan copyright bawhchhiatna a ni tih lantir tur chuan thubuai thehluttu in direct evidence, a puh ten a kutchhuak an lo hmu tawh ngei tih pawm theih tur bakah a kutchhuak nena an inanna, a original nena a danglam loh dan te an pholang thei tur a ni a ti a. Court chuan Marasco hian a kutchhuak te hi a mi puh (Taylor Swift) hian a lo hmu tawh ngei ang tih pawm theih khawp evidence a neih loh bakah a kutchhuak original leh Swift hlathu chu in-copy ngei a ni tih theihna khawp evidence a nei lo a ti a. A thu tum a inang tih leh a thu hawi lam a inang tih te chu copyright protection-in a huam lo niin an tarlang bawk.
Copyright lawsuit-ah Taylor Swift-i’n thiam chang
