Daily Newspaper

Coronavirus: COVID-19-in haah nghawng a nei em?

13

Novel coronavirus hi viral infection naran a ni lo tih chu a ni telin a chiang telh telh a, kan thawkna lam (respiratory system), mit, leh vun thlengin a nghawng thei a, hei bakah hian taksa peng hrang hrangah harsatna dang a thlen theih pawh an hriat belh zel a, case tam takah chuan damlo an dam chhuah leh hnu thlengin, rei tak chhung a symptom hi a la lang thei niin Times of India health section chuan an tarlang.

COVID singn an hriat tawh zinga danglam tak pakhat chu doctor ten COVID damlo zingah hahni (gum) chak lo leh ha enamel hloh te thlengin a awm niin an sawi a, hei hi COVID infection-in a nghawng an hriatchhuah tharlam deuh zinga mi a ni.

COVID-19 positive zingah a symptom inang chiah chiah hi an tam lo khawp mai a, tunah chuan khawvel hmun hrang hrang hranga COVID-19 damlo zingah ha lama harsatna tawk hi sawi tur an tam ta hle a, ha hni chak lo, habal (tooth loss) leh dental infection te hi COVID-19 dam leh zinga ha lama harsatna neih langsar zual an ni a, post COVID symptom zinga chhiar tel a ni ta.

Hetihrual hian COVID-19 positive, inenkawlna dawng mek zingah pawh ha lama harsatna nei hi an awm nual a, ha ngêt avanga habal leh leh ha rawng danglam (tooth discolouration), ha keh leh ha hni chak lo te hi a tlanglawn zual an ni.

COVID kan hmelhriat tan tirh lamah a symptom zingah ha lama buaina hi sawi tel a ni ngai lo va, mahse, tunah chuan COVID-19 thlentu SARS-COV-2 hian oral health & hydiene lamah nghawng a nei tih an hre thar ve leh ta zel a, mahse, hei hi doctor-te chuan la zirchian lehzual ngai niin an sawi.

COVID-19 avanga ha lama buaina hi engtia lo awm thei nge tih hi mithiam te pawhin an la chiang bik lo a, sawidan pakhatah chuan COVID-19-in thisen luang vel a tihbuai vang te pawh a ni thei niin an sawi. SARS-COV-2 virus hian kan taksa-a thisen luang vel a tibuai thei a, chu chuan hmun hrang hrangah blood clot a thlen thei a, thisen luang a timumal lo thei bawk. Hei vang hian kan taksa peng pawimawha thisen luang leh nutrient insem kual tur a tibuai thei a ni. Case thenkhatah chuan lung (heart), awmbawr, thluak leh khabe-ah te pawh harsatna a thlen thei a, kan oral cavity-a thisen luang vel a titlem a, chu chuan ha lama buaina, ha ngêt, hahni chak lo leh hahni thi te pawh a thlen thei niin an ngai a ni.

COVID-19 nena inkaihhnawihna nei cytokine storm chuan kan taksain natna a do theihna a tibuai thei a, hei hi COVID-19 test negative tawh hnuah pawh rei tak chhung a symptom a la awm theihna chhan pakhat niin an ngai deuh. Hei bakah hian hripui leng karah ka chhung kan enkawl uluk tawk loh vanga heng harsatna hi lo awm thei ni te pawhin an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy