Daily Newspaper

Coronavirus-in min chenchilh reng tawh mithiam ten ring

29

Coronavirus chu ‘eng tin emaw takin a awm reng tawh ang’ tiin UK sorkar hnuaia Scientific Advisory Group for Emergencies (Sage) te chuan an sawi.

Sir Mark Walport chuan mipuite chuan a khat tawkin vaccine an lak reng a ngaih a rin tawh thu a sawi a.

A hma erawhin World Health Organization (WHO) te chuan pandemic chu kum hnih hnuah a reh theiha an rin thu an sawi a, Spanish flu pawh kha kum hnih a len thu an sawi bawk.

Sir Mark thung chuan khawvel mipui kan tam tawh bakah zin veivak kan tam tawh avangin inkaichhawn a awlsam tawh a ti thung a.

Kum 1918-a Spanish flu nena khaikhin chuan mihring intamhleih tawh tak kan nih thu a sawi bawk a.

Sir Mark chuan pandemic thunun tur chuan ‘khawvel pum vaccine-a tuam’ a ngaih tur thu sawiin mahse coronavirus chu smallpox (zawng hri) te ang maia vaccine hmanga nuaibo theih a nih loh tur thu a sawi bawk.

“He virus hi chatuanin engtin emaw takin kan chenpui tawh dawn a, vaccine a khat tawka lak deuh reng a ngai tawh ang,” a ti a, “Hritlang ang mai a ni a, mipui ten a khat tawkin vaccine an lak nawn zel a ngai ang,” tiin a sawi bawk.

A hmain WHO chief Tedros Adhanom Ghebreyesus chuan Spanish flu kum 1918 a leng chuan kum hnih a awh thu sawiin thiamna sang tawhah hei aia rei lo hi virus hneh nan hun hman a nih a beisei thu a sawi thung a. Spanish flu vang khan mi maktaduai 50 chuangin nunna an chan a ni.

Coronavirus leng mek avanga nunna chan 800,000 an chuang tawh a, mi maktaduai 23 chuangin an kai tawh a, hei hi hriatchian chin chauh niin hei aia tam daih hian an kai tawh rin a ni.

Sir Mark chu hmun thenkhatah virus chu thunun hleih theih loha a len leh vak theih thu sawiin mahse hmalakna kalpuiah lockdown bur bur lo deuha chet lak a ngaih thu a sawi bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy