Court-in Evergrande liquidate turin ti

Leibaa khat Chinese property giant Evergrande te chu Hong Kong court in liquidate turin a hriattir.
Judge Linda Chan chuan Evergrande-te chu an leibate restructure tura hrilh an nih hnuah pawh ruahmanna mumal an siam tak tak theih chuan loh avangin ‘a tawk tawh’ tia sawiin thupek a pe ta a ni.
Evergrande hi China real estate poster child ni reng niin tunah erawh leiba $325 billion chuang a nei a. Kum hnih kalta khan defaulted tawhin kha kha global financial market a nghawng hle a ni.
Tuna court thutlukna thar ber hian China financial market chu a nghawng na dawn hle a ngaih niin chutihlaiin China thuneitute chuan stock market sell-off thunun tumin chet an la ve thung a ni.
China property sector hian khawvel economy lian ber pahnihna China economy-ah quarter khat vel lawih a thawh a ni.
Court thutlukna siam hnuah Hong Kong-ah Evergrane share chu 20% in a tlahniam nghal a, Evergrande share trading pawh tihtawp zui nghal a ni bawk.
Liquidation tih hian company asset-te chu man khawma hralh tur a ni a, chuta sum hmuhte hmang chuan a leiba neihte chu rulh a ni dawn a ni.
Court-in thutlukna a siam hma ni-ah China Supreme Court leh Hong Kong Departent of Justice-te chuan mainland China leh Hongkong inkarah civil leh commercial judgement siam inpawmpui tlan tur tiin inremna an siam chiah bawk a ni.
Mahse he inremna siam hi zawm bur tur a ni em tih chu Chinese sorkar thutluknaa innghat a ni a, liquidation kalpui tur tih avang ngawtin Evergrande chu a kehchhe vek dawn tihna a ni chuang lo bawk.
Evergrande case chungchang hi investor, Hong Kong-a inbun Top Shinde Global tena June 2022-a a kalpui niin chutah chuan Evergrande-te chuan share lei let leh tura inremna an siamte an tihlawhtling duh lo an ti a ni. Mahse, an lei batsak chu Evergrande leiba turu taka tlem te chauh a ni pha thung.
Evergrande tena an leibatna tam ber chu mainland China-a chengte sum niin chung mite erawh chuan an sum invest-te nei let leh turin legal avenue an nei chau hle thung.
Foreign creditor-te erawh mainland China pawnah pawh an case chu court-a kalpui turin zalenna nei bikin Hong Kong court chu an thlang ta ngei reng a, Hong Kong-ah hian Evergrande bakah developer dangte chu an inbun tho vang a ni.
Court thupek angin Evergrande director chuan a thuneihna a bansan a ngai dawn a, provisional liquidator – sorkar hnathawk emaw profession firm partner emaw chu court-in a ruat ang, tiin Derek Lai, global insolvency leader, professional services Deloitte a thawk chuan a sawi.
Creditor-te nen meeting neih hnuah thla tam tak hnuah formal liquidator kalpui a ni ang a ti bawk a. Mahse, Evergrande asset tam berte chu mainland China-a awm a nih avangin ‘one country, two system’ slogan nei mahse jurisdiction issue ah chinfel tur a tam ang a ti bawk.
China court leh Hong Kong court-te chuan liquidator ruat pawm tlan turin inremna siam mahse Lai chuan application paruk lutah pahnih chauh chu mainland China-a pilot area pathuma court ten an pawmsak chauh a ti bawk.
Chinese Communist Party chuan developer-te ai chuan home buyers-te building sak pawh a nih hmaa property lei tute chu an sum batsak pek hmasak tir a duh tih a ni bawk a. Chuti a nih chuan Beijing chuan Hong Kong court order chu a thingthla thei tihna a ni bawk.
“Liquidator ruat chu Hong Kong leh mainland China ten pawm tlang mah se, liquidation kaihhnawih thil a kalpui dawn tak tak chuan mainland China dan a zawm a ngai dawn” tiin Lai chuan a sawi bawk a. Hei vang hian Evergrande construction work tinte tihtawp nghal vek tur tihna a ni lo a ti bawk.
“Liquidation-ah hian subsidiary tinte chu an tel vek dawn tihna a ni lo bawk” tiin Nigel Trayers, managing director of restructuring, business advisory firm Grant Thornton chuan a sawi bawk a. “Mahse subsidiary-te liquidation a tel tir an tum ang a, chumi tur chuan anmahni chu chung subsidiary director-ah an inruattir thei” tiin a sawi bawk.
“Chutiang ti tur chuan corporate structure layer tam tak an paltlang a ngai dawn a, a tak takah chuan thil harsa deuh paltlang tur a awm dawn” a ti bawk.
“Company chu a tlachhia a, leiba a pe thei lo tak tak a nih chuan creditor-te chuan an sum invest chu a kimchangin an hmuh leh a beiseiawm loh bawk” tiin a sawi. Foreign creditor-te chuan mainland creditor tena an sum an hmuh hma chuan an hmuh hmel loh a ti bawk.
Judge Chan order chu China-ah kalpui tak tak a nih loh chuan developer-te leh creditor-te chuan an tuar nasa dawn a. Court thupek chuan Evergrande chauh ni lo defaulted developer dang Sunac China, Jiayuan leh Kaisa te pawh a hmer tel vek a ni.