Kumin June 1-a Special ND&PA Act Aizawl District Court rawktu nia sawi Lalrinnghetna (30), Tuikual ‘C; Mual chu July 24 khan Lunglei Police chuan Lungleiah an man.
Thudawn danin Lalrinngheta hi Aizawl District Court-ah hian mi ai kalin a thawk thin a, June 1 zan khan ventilation atanga lutin pawisa dahna ‘safe’ chu hacksaw blade hmanga tichhia in, a chhunga awm ruihhlo thubuai kaihhnawiha sumfai man chu a la a ni. A sum lak zat hi a chhiar lo niin a sawi a, nuai 16 atanga 20 inkar vel nia ngaih a ni.
Court a rawk hnu ah pawh hian kar khat vel chu mi ai hian office a la kal a. Police rinhlelh a nih hnu hian amah hi chhuizui zelin July 24 khan Lungleiah Lunglei District Special Branch chuan an lo man a; a pawisa ruk hmanga a lei scooter leh thildang engemawzat pawh hmuh let a ni. July 25 khan thubuai ziahluhna Aizawl Police Station thlenpui a ni.
Hemi chungchangah hian vawiin – July 27 hian Aizawl SP chuan thu chiang leh kimchang zawk thuthar thehdarhtute hnenah a hrilh dawn a ni.
Court safe atanga cheng nuai 16 chuang rutu man
